ایران و تاجیکیستان آراسیندا ۱۷ امکداشلیق آنلاشماسی ایمضالاندی
ایران جمهورباشقانی ابراهیم رئیسی، تاجیکیستان جمهورباشقانی امامعلی رحمان و اونو موشایعت ائدن نماینده هیئتینی باشکند تهرانین سعدآباد ساراییندا رسمی مراسیمله قارشیلادی
ایران و تاجیکیستان آراسیندا موختلیف ساحهلرده ۱۷ امکداشلیق آنلاشماسی ایمضالاندی.
ایران دؤولت تلویزیونونون وئردیگی بیلگیلره گؤره، ایران جمهورباشقانی ابراهیم رئیسی اؤلکهسینده رسمی سفرده اولان تاجیکیستان جمهورباشقانی امامعلی رحمان و اونو موشایعت ائدن نماینده هیئتینی باشکند تهرانین سعدآباد ساراییندا رسمی مراسیمله قارشیلادی.
مراسیمدن سونرا ایکیلی گؤروشمهیه گئچن جمهورباشقانلاری، داها سونرا ایکی اؤلکهنین یوکسک سویهلی نماینده هیئتلرینین بیر آرایا گلدیگی توپلانتییا قاتیلدی.
دانیشماسیندا ایران و تاجیکیستان آراسیندا اینکیشاف ائدن امکداشلیغا دقت چکن رئیسی،
"ایرانین شانگهای ذیروهسینه قاتیلماسیندان سونرا تهران و دوشنبه آراسینداکی ایلیشکیلری گلیشدیرمک اوچون یاخشی آددیملار آتیلدی" دئدی.
قوناق جمهورباشقانی رحمان دا رئیسیه خطاباً،
"وظیفهنیزین باشیندان بری ایران و تاجیکیستان آراسینداکی امکداشلیغین گوجلندیریلمهسی و داوام ائتدیریلمهسی تاجیکیستانین خاریجی سیاستینین ده بیر طلبیدیر" ایفادهلردن ایشلتدی
توپلانتیدا یوکسک وظیفهلی مسئوللار طرفیندن سیاسی، اقتصادی، تجاری، نقلیات، یاتیریم، یئنی تکنولوژیلر، چئوره، ایدمان، انرژی، توریزم، تحصیل و آراشدیرما ساحهلرینده ۱۷ امکداشلیق آنلاشماسی ایمضالاندی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.