رئیسی: بیر مرکز قوردوق

ایران جمهورباشقانی ابراهیم رئیسی آمریکانین اؤلکه‌سینین قالخینماسی اوچون تطبیق ائتدیگی تک طرفلی تحریملرین لغوینی گؤزله‌مک یئرینه، اونلاری ائتکیسیزلشدیرمه‌یه متمرکز اولدوقلارینی بیلدیردی.

ایرانین رسمی خبر آگژانسی ایرنانین خبرینه گؤره، جمهورباشقانی قوم شهرینده روحانیلرین ایشتیراکی ایله گئچیریله‌ن تدبیرده ویدئوکنفرانس ویولو ایله دانیشدی.

چیخیشین‌دا، اتریشین باشکندی وینده ائدیلن نوکلئر دانیشیقلاری و آمریکا تحریملرینه قارشی اؤلکه‌سینین سئچه‌نکلریندن دانیشان رئیسی،

"بیز دانیشیقلاری داوام ائتدیریریک، آنجاق باشقالارینین بیزیم یئریمیزه قرار وئرمه‌سینی گؤزله‌مکله اؤلکه‌نین ایرلیله‌مه‌‌سینی دوردورمایاجاغیق" دئدی.

ابراهیم رئیسی حکومتین، دینی لیدئر آیت الله علی خامنه‌ای‌نین اعلان ائتدیگی "تحریملری ائتکیسیزلشدیرمه" استراتژیسینه عمل ائتدیگینی بیلدیررک:

"تحریملرین قالدیریلماسیندان داها اؤنملی اولان تحریملرین ائتکیسیزلشدیریلمه‌سی اوچون بیر مرکز قوردوق. حاضردا بو مرکز چوخ ثمره‌لی ایشله‌ییر" ایفاده‌لرینی ایشلتدی.