بنت: هر سناریویا حاضریق

اسرائیل باشباخانی نفتالی بنت اؤلکه‌سینین ساواش ایسته‌‌مه‌دیگینی آنجاق هر سناریویا دا حاضر اولدوغونو بیلدیردی.

اسرائیل باشباخانلیق مطبوعات سرویسیندن وئریله‌ن یازیلی آچیقلامایا گؤره بنت، ساوونما باخانی بنی گانتس ایله بیرلیکده اسرائیل اوردوسونون باشلاتدیغی و بیر آی داوام ائد‌جک "آتش آرابالاری" آدلی حربی مانورو اینجه‌له‌دی.

اوردو مقاملاریندان مانورلا باغلی بیلگی آلان بنت، بوراداکی دانیشماسیندا،

"اسرائیل اوردوسونون تاریخینده ان اوزون مدتلی مانورلاردان بیری اولان "آتش آرابالاری" داوام ائدیر. بیز ساواش‌ ایسته‌میریک آنجاق هر سناریویا حاضیریق. اگر دوشمن بیزی بیر چاتیشمایا آپارسا، دایانیلماز درجه‌ده آغیر بیر بدل اؤده‌یه‌جگینی بیلیر" دئدی.

ساوونما باخانی گانتس دا اسرائیلین گوونلیگینین "گوج قوللانماغا باغلی اولدوغونو" بیلدیررک،

"اسرائیل دؤولتینین گوونلیگینین ساغلانماسی ایکی شئیه باغلیدیر: گوج قوللانیمینا و ایللردیر ایچینده کسینتیسیز شکیلده گوج قورولماسینا". ایفاده‌لرینی قوللاندی.

اسرائیل اوردوسو، دونن وئردیگی آچیقلامادا، اؤلکه تاریخینده‌کی ان اوزون حربی مانورلاردان بیری اولان "آتش آرابالاری" مانورونا باشلادیقلارینی و اسرائیل عسگرلرینین قورو، هاوا، دنیز و سایبری اوزای ساوونما حاضرلیقلارینی آرتیرماق اوچون بیر آی بویو تعلیم گؤره‌جکلرینی آچیقلادی.