ایراندا ساختا ایچکیدن زهرلنهن ۱۰ نفر اؤلدو
ساختا ایچکیدن زهرلنهن ۷۵ نفر خستهخانالارا مراجعت ائتدی بو خستهلردن ۱۰ نفری حیاتینی ایتیردی
ایرانین هرمزگان ایالتینده ساختا ایچکیدن زهرلنهن ۱۰ نفر حیاتینی ایتیردی.
هرمزگان ساغلیق بیلیملری اونیوئرسیتهسی سؤزچوسو فاطمه نوروزیان، تسنیم خبر آژانسینا، ایالتین مرکز شهری بندر عباسدا ساختا ایچکیدن زهرلنهنلره باغلی بیلگی وئردی.
نوروزیان،
"بندر عباس شهرینده ساختا ایچکیدن زهرلنهن ۷۵ نفر خستهخانالارا مراجعت ائتدی. سؤز قونوسو خستهلردن ۱۰ نفر حیاتینی ایتیردی" دئدی.
اؤلنلردن بیرینین قادین اولدوغونو دیله گتیرهن نوروزیان، ۴ نفرین وضعیتینین آغیر اولدوغونو قید ائتدی.
مسلمان وطنداشلار اوچون الکل ساتیشی و مصرفینین قاداغان اولدوغو ایراندا، الکللو ایچکیلر قاچاق یوللارلا اؤلکهیه آپاریلابیلدیگی کیمی بعضی ائو و قاچاق آتلیهلرده ده چیخاردیلیر.
ایران قانونلارینا گؤره، الکللو ایچکی چیخاران، آلیش و یا ساتیشینی ائدنلر حبس و قیرباج جزاسینا چارپدیریلیر.
ایلگیلیلی خبرلر
غرهده اؤلنلرین ساییسی 46 مین 584 نفره یوکسلیب
ایسراییل اوردوسونون غزهیه هوجوملاریندا اؤلنلرین سایی آرتماقدا داوام ائدیر.
