اوکراینادا جسدلری آختارما ایشلری داوام ائدیر

اوکراینادا، روس اوردوسونون سالدیریلاریندا حیاتینی ایتیره‌ن وطنداشلارین جسدلرینی آختارما ایشلری داوام ائدیر.

روسیانین اوکراینایا ۲۴ فوریه‌ده باشلاتدیغی ساواش سوررکن چاتیشمالارین سونا چاتدیغی باشکند کیئو بؤلگه‌سینده، جسدلری آختارا ایشلری داوام ائدیر.

شهره ۴۵ کیلومتر مسافه‌ده‌کی ویشئگراد کندینده اورتا یاشلاردا بیر وطنداشین داها جسدی تاپیلدی.

کند ساکینلرینین ده قاتیلیمییلا لازیم‌ اولان آراشدیرمالار ائدیلدیکدن سونرا جسد، خسته‌خانایا آپاریلدی.

بوچا بؤلگه پلیس مرکزی مطبوعات مسئولو آلینا پودرئیکو، بؤلگه‌ده‌کی شهر و کندلرده روس سالدیریلاریندا اؤلن وطنداشلارین جسدلرینه هر گون راست گلدیکلرینی سؤیله‌دی.

اؤلنلر آراسیندا اوشاقلارین دا اولدوغونو ایفاده ائد‌ن پودرئیکو، ایتکین بیر چوخ وطنداشین و یا جسدلرینین تاپیلماسی اوچون ایشه داوام ائد‌جکلرینی دیله گتیردی.