اسرائیل باشباخانینا تهدید مکتوبو گؤندریلدی

تهدید مکتوبو آلان اسرائیل باشباخانی نفتالی بنت، "سیاسی چکیشمه نه قدر درینلشسه ده شدت، قولدرلوق و اؤلوم تهدیدی سویه‌سینه چیخمامالی‌دیر" دئدی.

اسرائیل گوونلیک مقاملاری، باشباخان نفتالی بنتین ائوینه گؤندریله‌ن، ایچین‌ده مرمی شانینین اولدوغو تهدید مکتوبویلا باغلی سوروشدورما آچیلدیغینی بیلدیردی.

اسرائیل دؤولت یایین قورولوشونون خبرینه گؤره، بنتین رعانانا شهرین‌ده‌کی ائوینه، ایچینده مرمی شانی اولان بیر تهدید مکتوبو گؤندریلدی.

اسرائیل پلیسی و ایچ گوونلیک تشکیلاتی شین-بت (شاباک)، سؤز قونوسو مکتوبون قایناغینا چاتماق اوچون سوروشدورما باشلاتدی.

عبرانیجه یاییملانان والا نیوز خبر سایتی دا حادثه‌نین آردین‌دان بنت عائله‌سی اوچون قوروما و گوونلیک تدبیرلرینین آرتیریلدیغینی قید ائتدی.

اسرائیل باشباخانی بنت، توئیتر حسابین‌دان ائتدیگی پایلاشیمدا، "سیاسی چکیشمه نه قدر درینلشسه ده شدت، قولدورلوق و اؤلوم تهدیدی سویه‌سینه چیخمامالیدیر" ایفاده‌لرینی ایشلتدی.