روس ائلچیلیگی، "ایرانین روسیایا سلاح گؤندردیگی ادعالارینی" یالانلادی

روسیانین تهران ائلچیلیگی، "ایرانین اوکراینا ساواشیندا ایستیفاده ائدیلمک اوزره روسیایا سلاح گؤندردیگی" یولونداکی ادعالارین گئرچک اولمادیغینی آچیقلادی.

روس ائلچیلیگی سوسیال مئدیا حسابی توئیتردن بعضی اولوسلارآراسی مئدیا اورگانلاریندا یاییملانان سؤز قونوسو خبرلره باغلی آچیقلاما یاییملادی.

آچیقلامادا، "بعضی مطبوعات اورگانلاریندا یئر آلان ایرانین روسیایا سلاح دستگینه باغلی خبرلر اساسسیزدیر و گئرچک دئییلدیر" ایفاده‌لری ایشله‌دیلدی.

اولوسلارآراسی بعضی مئدیا اورگانلاریندا، بیر مدت اؤنجه ایرانین، اوکراینا ساواشیندا ایستیفاده ائدیلمک اوزره آرالاریندا ایران یاپیمی باور-۳۷۳ ساوونما سیستمینین ده اولدوغو سلاحلاری، عراق اوزریندن روسیایا گؤندردیگی یولوندا خبرلر یاییملانمیشدی.

روس عسگرلری ۲۴ فوریه‌ده اوکراینایا سالدیری باشلاتمیشدی.