ترور هؤرگوتو یپگ/پکاکا ۳۰ گنجی ساخلادی
تروریستلر، وار اولدوقلاری منبج ائلچهسینده سون بیر هفتهده "مجبوری عسگرلیک" آدی آلتیندا ۳۰ گنجی ساخلادی
بؤلوجو ترور هؤرگوتو یپگ/پکاکا، سوریهنین حلب شهرینین منبج ائلچهسینده ۳۰ گنجی، "مجبوری حربی خیدمت" آدی آلتیندا سلاحلی کادرینا قاتاجاق.
یئرلی قایناقلاردان الده ائدیلهن معلوماتا گؤره، یپگ/پکاکالی تروریستلر، وار اولدوقلاری منبج ائلچهسینده سون بیر هفتهده "مجبوری عسگرلیک" آدی آلتیندا ۳۰ گنجی ساخلادی.
آمریکا دستکلی یپگ/پکاکا دیر الزور، رقه و حسکه ولایتلرینده ایشغال ائتدیگی بؤلگهلرده گنجلری زورلا اؤز سیرالارینا جلب ائتمهیه داوام ائدیر.
ترور هؤرگوتو بو مقصدله ساخلادیغی گنجلری و اوشاقلاری سلاحلی تعلیم اوچون ترور دوشرگهلرینه آپاریر.
جمعیتینین یوزده ۹۹و عرب اولان منبجده ۳۱ می ۲۰۲۱.جی ایلده ترور هؤرگوتو یپگ/پکاکا ایله بؤلگه خالقی آراسیندا عینی ایشه گؤره گرگینلیک یارانمیشدی.
ترور هؤرگوتونون ائلچهده "مجبوری عسگرلیک" آدی آلتیندا زورلا سلاحلی کادرینا قوشما ایشی ایله باغلی باشلایان اعتراضلاردا ۸ مولکی وطنداش اولموش، ۲۷ مولکی وطنداش ایسه یارالانمیشدی.
سؤزوگئدن گؤستریلرین قیسا مدتده بوتون ائلچهیه یاییلماسیندان سونرا یپگ/پکاکا، منبج اهالیسینین سؤزده مجبوری عسگرلیک ایشینین دوردورولماسی و ساخلانانلارین بوراخیلماسی طلبلرینی قبول ائتمیش، بونون اۆرزینه خالق اعتراضلارینی دوردورموشدو.