روسیا: "توچکا-یو" تاکتیکی راکتی اله کئچیریلدی
روسیا ساوونما ناظیرلیگینین رسمی نومایندهسی ایگور کوناشنکوو اوکراینایا مخصوص ایکی "توچکا-یو" تاکتیکی راکتینین اله کئچیریلدیگینی بیلدیریب.
روسیا ساوونما ناظیرلیگینین رسمی نومایندهسی ایگور کوناشنکوو اوکراینایا مخصوص ایکی "توچکا-یو" تاکتیکی راکتینین اله کئچیریلدیگینی بیلدیریب.
ایگور کوناشنکوو اؤلکهسینین فوریهنین 24-ده اوکراینایا قارشی باشلادیغی محاربه ایله باغلی پایتاخت مسکوا-دا آچیقلاما وئریب.
دونن گئجه اوکراینادا 13 حربی عنصرون یوکسک دقیقلیکلی راکتلرله وورولدوغونو بیلدیرن کوناشنکوو دئییب:
چروونا پولیانا و بالاکلیا یاشاییش منطقهلرینده ایکی "توچکا-یو" تاکتیکی راکت باشلیقلارینین اولدوغو انبار وورولوب. پتروپیلیا و مالا کومیشوواها یاشاییش منطقهلرینده ایسه اوکراینایا مخصوص ایکی "توچکا-یو" تاکتیکی راکتی اله کئچیریلیب".
کوناشنکوو اوکراینا اوردوسونا مخصوص 140 اوچاق، 487 پیلوتسوز اوچوش آپاراتی، 252 هاوا هوجوموندان ساوونما سیستمی، او جملهدن 2 مین 353 تانک و زیره لی آراج، 256 چوخ لوله لی راکت لر، 1014 توپ و خمپاره، 2 مین 208 اوزه ل عسگری آراجین محو ائدیلدیگینی بیلدیریب.
روسیانین بلگورود بؤلگهسینین والیسی ویاچسلاو گلادکوو ایسه "تلگرام" کانالیندا وئردیگی آچیقلامادا اوکراینانین بؤلگهدهکی گولووچینو کندینی آتشه توتدوغونو بیلدیریب.
حادثه یئرینه چاتدیغینی دئین گلادکوف هوجوم زامانی 3 نفرین یارالاندیغینی، 30-دان چوخ ائوه زیان دیدیگینی سؤیلهییب.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.