تورک حربچی لری پاکیستان-دا
تورک حربچی‌لری پاکیستان-دا پاراددا ایشتیراک ائدیب‌لر.
23 مارس پاکیستان میللی گونو چرچیوه‌سینده پاکیستانین پایتاختی ایسلام آباد-دا حربی پاراد کئچیریلیب.
پاکیستان پرزیدنتی عارف علوی، باش ناظیر عمران خان، پاکیستان اوردوسونون گوج قوموتان لاری، تورکیه باش قرارگاه رئیسی ژنرال یاشار گولر، ایسلام امکداش‌لیق تشکیلاتی چرچیوه‌سینده پاکیستان-داکی خاریجی ایشلر ناظیرلری و وطنداش‌لار ایشتیراک ائدیب‌لر.
پاکیستان عسگرلری‌نین پارادیندا تانک، رادار، هاوا هوجومون‌دان ساوونما سیستمی و بالیستیک راکت‌لر سرگیلنیب.
هلیکوپترلر و اوچاق لار پاراد میدانچاسی‌نین یانین‌دان کئچیب، دؤیوش اوچاق لاری نوماییش کئچیریب.
پاراددا تورکیه و آذربایجانین حربی حیسه‌لری ده ایشتیراک ائدیب‌لر.
مراسیمین سونوندا پاکیستان-ین موختلیف ایالت‌لری‌نین رقص قروپ‌لاری دا چیخیش ائدیب‌لر.
پاکیستان پرزیدنتی عارف علوی بورا‌داکی چیخیشیندا پاکیستانین اوزلشدیگی چتین‌لیک‌لره جاواب وئرمک اوچون میللی بیرلیگین ضروری‌لیگینی وورغولاییب و ایسلام آبادین بولگه‌نین باریش و تهلوکسیزلیگینده مسئولیت‌لی رولونو دیله گتیریب.
علوی جامو و کشمیرده اینسان حاق‌لاری پوزونتولارینی خاطیرلادیب و هیندوستانا بون‌لاری دایاندیرماسی اوچون خبردارلیق ائدیب.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
