ساواشین موسکوایا گونلوک هزینه‌سی ۲۰ میلیارد دلاری آشابیلر
آراشدیرماچیلار، ایشغال اؤلچوسو آرتدیقجا روسیا باخیمیندان ساواشین گونلوک خرجینین ۲۰ میلیارد دلاری آشابیله‌جگینه ایشاره ائتدی
روسیانین ۲۴ فوریه‌ده اوکراینایا قارشی باشلاتدیغی ساواشین موسکوایا گونلوک هزینه‌سینین ۲۰ میلیارد دلاری آشابیله‌جگی ایفاده ائدیلدی.
آنلاین مشاوره شیرکتی کونسولتانسی‌ده یئر آلان خبرده، دوشونجه قورولوشلاری سنتر فور اکونومیک ریکاوری و ایزی بزینس و مشاوره شیرکتی سیویتا طرفین‌دن ائدیله‌ن و روسیا-اوکراینا ساواشینین روس اقتصادینا خرجینین حسابلاندیغی آراشدیرمایا یئر وئریلدی.
آراشدیرمادا، معین ائدیله‌بیله‌ن عسگری تجهیزات و پرسنل ایتکیسینین ده داخیل اولدوغو ساواشدان قایناقلانان بیر باشا ایتکینلرین، ایلک ۵ گونده روسیایا تخمیناً ۷ میلیارد دلارا دوشدوگو ایفاده ائدیلدی.
آراشدیرمادا، ۴،۲ میلیارد دلارین تجهیزات ایتکیسی اولدوغو بیلدیریلدی.
آیریجا لجستیک، پرسنل، مهمات، یاناجاق، راکت آتما داخیل اولماق اوزره سفربرلیگین اؤلچوسونون هر گون داها چوخ پولا مال اولاجاغینی ایفاده ائدن آراشدیرماچیلار، ایشغال اؤلچوسو آرتدیقجا روسیا باخیمیندان ساواشین گونلوک خرجینین ۲۰ میلیارد دلاری آشابیله‌جگینه ایشاره ائتدی.
آراشدیرمادا، بو وضعیتین سیرادان روس وطنداشلاری باخیمیندان یوکسک تورم و آشاغی ساتین آلما گوجو معناسینی وئرجگی و اؤلکه‌ده یوخسوللوغون آرتاجاغی ایفاده ائدیلدی.
