روسیا و اوکراینا آراسیندا گؤروشمهلر باشلادی
اوکراینا، آتیشکس و روس بیرلیکلرینین تورپاقلاریندان تئزلیکله چیخاریلماسینی ایستهییر
![روسیا و اوکراینا آراسیندا گؤروشمهلر باشلادی](http://cdn.trt.net.tr/images/xlarge/rectangle/05ce/f4c4/cc60/621caed540a20.jpg?time=1718951104)
روسیا و اوکراینا آراسیندا شرطسیز دانیشیقلار بلاروس سرحدینده باشلادی.
۲۴ فوریهده باشلایان روسیا سالدیریلارینین ۵.جی گونونده گؤزلر روسیا و اوکراینا هیتلری آراسیندا آپاریلان دانیشیقلارا چئوریلدی.
روسیا و اوکراینا هئیتلری آراسیندا اوکراینا-بلاروس سرحدینده ائدیلن گؤروشمهنین گوندمی، روس سالدیریلارینا سون قویماق و عاجل آتیشکس الده ائتمکدیر.
اینترفاکس آژانسینین خبرینه گؤره، بیر روس مذاکیرهچی، اؤلکهسینین اوکراینا ایله ان قیسا زاماندا آنلاشماغا ایستکلی اولدوغونو بیلدیردی.
مداکیرهچینین "هر جور آنلاشما هر ایکی طرفین چیخارینا اولاجاقدیر" دئدیگی وورغولاندی.
اوکراینا، آتیشکس و روس بیرلیکلرینین تورپاقلاریندان تئزلیکله چیخاریلماسینی ایستهییر.
زلنسکی سوسیال مئدیا حسابیندان یاییملادیغی آچیقلامادا،
"اوکراینا-بلاروس سرحدیندهکی پریپیات چایی بؤلگهسینده روس هئیتی ایله اؤن شرط اولمادان گؤروشمه قونوسوندا آنلاشدیق" دئمیشدی.