پوتین: اوکراینا سادهجه قونشو دئییل، روس تاریخینین بیر پارچاسیدیر
پوتین، اوکراینانین دوغوسونداکی روسیا یانلیسی آیریلیقچیلارین سؤزده یؤنتیمینین تانینماسی حاقیندا فرمانی ایمضالایاراق، اونای اوچون پارلمانا گؤندردی
روسیا دؤولت باشقانی ولادیمیر پوتین،
"روسیا پارمانی دونتسک و لوهانسکین مستقیللیگینی دستکلهییر" آچیقلاماسینی وئررک،
"دونباس (اوکراینانین دوغوسوندا) تاریخی اولاراق روسیانین بیر پارچاسیدیر" دئدی.
ولادیمیر پوتین اولوسال سسلنیش دانیشماسیندا،
دوغو اوکراینانین اسکی روسیا تورپاغی اولدوغونو، تاریخی اولاراق روسیا امپراتورلوغونون بیر پارچاسی اولان یئرلردی وئرمک مجلوریتینده قالدیقلارینی بیلدیردی.
پوتین،
"گئچمیشی دییشدیرمک ممکن دئییل، اما حقیقتی دانیشماق لازیمدیر" دئدی.
"مدرن اوکراینا روسیا طرفیندن قورولدو" دئین پوتین،
"اوکراینانی خاریجی گوجلر ایداره ائدیر، حساس قرارلار باتیلیلار طرفیندن وئریلیر، خالق سویولور" ایفادهسینی ایشلتدی.
روسیا لیدئری، اوکراینانین اونلار اوچون سادهجه قونشو دئییل، روس تاریخینین بیر پارچاسی اولدوغونو، اوکراینالیلارین ایسه اونلارین یولداشلاری و قوهوملاری اولدوغونو سؤیلهدی.
ولادیمیر پوتین، "دونباسداکی سالدیرقانیلیغا" سون وئریلمهلی، عکس حالدا مسئولیتین اوکراینادا اولاجاغینی دا سؤزلرینه علاوه ائتدی.
"باتیلی مسلکداشلاریمیزلا دانیشیقلارا حاضیریق" دئیهن روس لیدئر، "آنجاق طلبلریمیز قارشیلانمالیدیر" دئیه دانیشدی.
اولوسال سسلنیش دانیشماسیندان سونرا پوتین، اوکراینانین دوغوسونداکی روسیا یؤنلو آیریلیقچیلارین سؤزده یؤنتیمینین تانینماسی حاقیندا فرمانی ایمضالایاراق، تصدیق اوچون پارلمانا گؤندردی.
بئش مادهدن اولوشان فرمانلاردا، پوتینین روسیا سلاحلی گوجلرینه سؤزده دونتسک و لوهانسک خالق جمهوریتلرینده باریشین قورونماسی اوچون فعالیت گؤستره تاپشیریغی وئردیگی بیلدیریلدی.
آیریجا، پوتین، روسیا خاریجی ایشلر باخانلیغینا دا سؤزده دونتسک و لوهانسک طرفلری ایله دیپلوماتیک ایلیشکیلرین قورولماسینا دایر آنلاشمالارین باغلانماسی تاپشیریغی وئردی.
سؤزوگئدن فرمانلارین ایمضالاندیغی تاریخدن قوهیه میندیگی بیلدیریلیر.