ایران: آتوم موذاکیرهلرینده ایرلیلییش چتینلشیر
ایران اطریش-ین پایتاختی ویانا-دا داوام ائدن آتوم موذاکیرهلرینده ایرلیلییشین گئتدیکجه چتینلشدیگینی و باتی اؤلکهلرینین عهده لیکلریندن یایینماق اوچون تشببوس گؤسترمهیه داوام ائتدیگینی آچیقلاییب.
ایران اطریش-ین پایتاختی ویانا-دا داوام ائدن آتوم موذاکیرهلرینده ایرلیلییشین گئتدیکجه چتینلشدیگینی و باتی اؤلکهلرینین عهده لیکلریندن یایینماق اوچون تشببوس گؤسترمهیه داوام ائتدیگینی آچیقلاییب.
ایرانین عالی میللی تهلوکهسیزلیک شوراسینین باش کاتیبی علی شمخانی توییتر حسابیندان وئردیگی آچیقلامادا، ویانا-دا کئچیریلن آتوم دانیشیقلاریندا ایرانین خاریجی ایشلر ناظیرینین معاوینی علی باقری ایله تلفون دانیشیغیندا ویانا دانیشیقلارینا دایر ایکی مسئلهنین یئکونلاشدیغینی بیلدیریب.
ایران رسمیسی "ایرانلی موذاکیرچیلرین تهرانین منطقی و حقوقی گؤستریشلرینی ایرهلی سورمک وظیفهسینین چتینلیگی هر گون داها دا آرتیر. باتی طرفلری اؤز عهده لیکلریندن یایینماق اوچون تشببوس گؤسترمکده داوام ائدیرلر" ایفادهلردن ایستیفاده ائدیب.
ویانا-دا روسیا، چین، آلمانیا، فرانسا، اینگیلتره و ایرانین یوکسک سویهلی نومایندهلرینین ایشتیراکی ایله آتوم سازیشینین تام ایجراسینین تامین ائدیلمهسی و امریکانین سازیشه قاییتماسی ایله باغلی آتوم دانیشیقلاری کئچیریلیر. 2018-جی ایلده راضیلاشمادان بیرطرفلی قایدادا چیخمیش امریکا ایسه آوروپا بیرلیگی واسیطهسیله دانیشیقلاردا ایشتیراک ائدیر.
ایران حکومتینین ان یوکسک تهلوکهسیزلیک قورومو حساب ائدیلن میللی تهلوکهسیزلیک شوراسینین رهبری اولان شمخانینین طرفلرین دانیشیقلاردا ایرلیلییش الده اولوندوغونو بیلدیرمهسیندن سونرا دانیشیقلارلا باغلی “منفی” آچیقلاما وئرمهسی دقت چکیب.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.