اسرائیل‌دن ایرانا سالدیری مانورو
"اگر بیر موشک بیر نئچه دلارلیق بیر الکتریک آخیمییلا اؤنله‌نه‌بیلسه، ایرانین سرحدیمیزه قوردوغو اود چمبری فعلی اولاراق ائتکیسیز حالا گله‌جک"
اسرائیل اوردوسونون اونلارجا اوچاقلا ایرانا سالدیرینی بنزه‌دن/سیموله ائد‌ن گیزلی بیر مانور ائتدیگی اورتایا چیخدی.
اسرائیل یایین قورولوشو کانین خبرین‌ده، اسرائیلین بیر آمریکا عسگری یئتکیلیسینین هاوا گوجلری مانورونا گؤزلمچی اولاراق قاتیلماسینا ایجازه وئردیگی، بیر قیسمی ایران‌دا یئر آلان اوزون منزیللی هدفلره قارشی بیر سالدیرینین تطبیق اولونماسینی سیموله ائتدیگی ایفاده ائدیلدی.
تخمیناً ایکی هفته اؤنجه گرچکلشدیریلن گیزلی مانورا اونلارجا ساواش اوچاغینین قاتیلدیغی وورغولانان خبرده، مانورون هاوادا یاناجاق دولدورولماسی، اوزون منزیللی بیر هدفه سالدیرما و قورودان هاوایا موشکلرله مقابله کیمی مختلیف سناریولاری احتیوا ائتدیگی ایفاده ائدیلدی.
خبرده، سؤز قونوسو مانورون، ایرانین نوکلئر پروگرامییلا باغلی وینده داوام ائد‌ن مذاکیره‌لرین سون مرحله‌لری ایشیغیندا گرچکلشدیریلدیگینه دقت چکیلدی.
اسرائیل باشباخانی نفتالی بنت ۱ فوریه‌ده، اؤلکه‌سینین لیزرلی هاوا ساوونما سیستمینین بیر ایل ایچینده فعالیته گئچه‌جگینی سؤیله‌میشدی. بنت،
"اگر بیر موشک بیر نئچه دلارلیق بیر الکتریک آخیمییلا اؤنله‌نه‌بیلسه، ایرانین سرحدیمیزه قوردوغو اود چمبری فعلی اولاراق ائتکیسیز حالا گله‌جک" ایفاده‌سینی ایشلتدی.
ایرانا عاید اینسانسیز هاوا آراجلارینی و کروز موشکلرینی بیر تهدید اولاراق گؤره‌ن اسرائیل، بو سببله باشدا قوزئیده اولماق اوزره اؤلکه‌نین بوتون بؤلگه‌لرینده هاوا ساوونما سیستملرینی داها دا گوجله‌ندیرمه‌یه چالیشیر.
ایلگیلی‌لی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیته‌بیلر"
