12 کوچمن دوناراق اؤلوب

یونانیستان-ین تورکیه اراضی‌لرینه ایته‌له‌دیگی قاچقین لاردان 12-سی دونا‌راق اؤلوب.
تورکیه‌-نین ائدیرنه شهرینده یونانیستان محافظه خیدمتی طرفیندن گئری ایته‌له‌نن 22 غیری-قانونی کوچمندن 12-سی دونا‌راق اؤلوب.
ایپسالا قصبه‌سی‌نین پاشاکؤی کندی‌نین مانداکورو محله‌سینده یونانیستان محافظه خیدمتی طرفیندن گئری ایتیلن و دونماق اوزره اولدوغو معین ائدیلن غیری-قانونی بیر کوچمن ایسه کئشان دؤولت خسته‌خاناسینا آپاریلیب.
بو آرادا ایچ ایشلر ناظیری سلیمان سویلو سوسیال مئدیا حسابیندان مؤوضوع ایله باغلی آچیقلاما وئریب.
"آیاققابی‌لاری، پالتارلاری چیخاریلمیش یونانیستان سرحد محافظه خیدمتی طرفیندن گئری گؤندریلن 22 قاچقیندان 12-سی دونوب. آوروپا بیرلیگی آجیزدیر، ضعیف‌دیر، اینسان‌لیق یوخ‌دور. یونانیستان سرحد قوشون‌لاری قوربانا قارشی قاتیل کیمی‌دیر، فتو-یا (فتح الله چی ترور تشکیلاتی) قارشی مهریبان‌دیر. الله رحمت ائله‌سین” دئییب.