ایران، ویتناما عاید گمینی سربست بوراخدی

ایران ایکی هفته اؤنجه عمان دنیزین‌ده "نفت اوغورلوغو" ائتدیگی ادعاسییلا ساخلادیغی ویتناما عاید نفت تانکرینی سربست بوراخدی.

ایران دؤولت مئدیاسینین تانکرتراکرز آدلی گمی ایزله‌مه شیرکتینه دایاندیراراق وئردیگی خبره گؤره، سپاه اوردوسو طرفین‌دن ایرانا عاید نفتین منتقل ائدیلدیگی سببی ایله ساخلانیلان تانکر سربست بوراخیلدی.

تانکرده‌کی ۲۶ نفرله باغلی بیلگی پایلاشیلمادی.

ایران، عمان دنیزین‌ده ۲۵ اکتبردا یاشانان ویتناما عاید نفت تانکرینی اله گئچرمه‌یه باغلی گؤرونتولری ۳ نوامبردا یایینلامیشدی. سپاه اوردوسو، آچیقلاماسیندا، آمریکا بیرلشمیش دؤولتلرینین "ایرانا عاید نفتی اوغورلاماغا گیریشدیگینی" ادعا ائتمیش و ایرانین، نفتین منتقل ائدیلدیگی تانکره ال قویدوغونو بیلدیرمیشدی.

پنتاگوندان بیر یئتکی‌لی ایسه سپاه اوردوسونون ادعاسینین گئرچک اولمادیغینی ایفاده ائتمیشدی.

ویتنام خاریجی ایشلر باخانلیغی سؤزچو کؤمکچی‌سی فام تو هان، ۴ نوامبرداکی آچیقلاماسیندا ال قویولان ویتنام بایراق‌لی تانکره باغلی ایران ایله تماسا گئچیلدیگینی و گلیشمه‌لرین یاخین‌دان ایزلنیلدیگینی بیلدیرمیشدی.