ایران، آمریکانین بو اؤلکهیه عاید گمییه ال قویدوغونو ادعا ائتدی
تانکرین بو آندا ایران سولارینا آپاریلدیغی و حادثه ایله باغلی گؤرونتولرین قیسا زامان ایچریسینده پایلاشیلاجاغی بیلدیریلدی
ایران، آمریکا بیرلشمیش دؤولتلرینین عمان دنیزینده بیر ایران نفت تانکرینه ال قویماغا چالیشدیغینی آنجاق باشاریسیز اولدوغونو بیلدیردی.
ایران دؤولت تلویزیونونون خبرینه گؤره، آمریکا، عمان دنیزینده ایران نفتینی داشییان بیر تانکره ال قویدو، گمینین داشیدیغی نفتی باشقا بیر تانکره یوکلدیکدن سونرا تانکری بیلینمهیهن بیر نقطهیه آپاردی.
سپاه اوردوسو دا آمریکانین ال قویدوغو نفت تانکرینه هلیکوپترله ائندیرمه عملیاتی ائتدی.
تانکرین کنترلونو اله گئچرهن سپاه عضولری، تانکری ایران سولارینا دوغرو آپاردی.
خبرده آیریجا، آمریکا دونانماسینین تانکری یئنیدن اله گئچرمک اوچون بیر نئچه هلیکوپتر و ساواش گمیسی ایله مداخیله ائتمهیه چالیشدیغی آنجاق باشاریسیز اولدوغو ایفاده ائدیلدی.
تانکرین بو آندا ایران سولارینا آپاریلدیغی و حادثه ایله باغلی گؤرونتولرین قیسا زامان ایچریسینده پایلاشیلاجاغی بیلدیریلدی.