طالبان: کابل هاوالیمانی اولوسلارآراسی اوچوشلارا حاضر
طالبان حکومتینین "خاریجی ایشلر باخانلیغی سؤزچوسو"، کابل هاوا لیمانیندا تکنیک پروبلئملرین حل ائدیلدیگینی وورغولادی
اففانیستاندا کنترلو اله آلان طالبان، باشکند کابلدا اولوسلارآراسی حامد کرزی هاوا لیمانینداکی تکنیک پروبلئملرین آرادان قالدیریلدیغینی و اولوسلارآراسی اوچوشلارا داوان ائدیلهبیلهجگینی آچیقلادی.
افغانیستانداکی گئچیجی طالبان حکومتینین "خاریجی ایشلر باخانلیغی سؤزچوسو" عبدالقهار بلخی، یازیلی آچیقلاماسیندا، اولوسلارآراسی حامد کرزی هاوا لیمانیندان ائدیلهجک اوچوشلار چرچیوهسینده بوتون هاوا یوللاری شیرکتلری ایله امکداشلیق ائدجکلرینی سؤیلهدی.
بلخی، کابل هاوا لیمانیندا تکنیک پروبلئملرین حل ائدیلدیگینی وورغولادی و داها اؤنجه اوچوشلار حیاتا گئچیرهن بوتون هاوا یوللاری شیرکتلری و اؤلکهلرین افغانیستانا اوچوشلارینا داوام ائتمهلرینی گؤزلهدیگینی قید ائتدی.
بلخی، افغانیستانداکی سیاسی دییشیمین، هاواچیلیق سئکتوروندا بعضی آخساقلیقلارا یول آچماسی ندنی ایله هاوا یولو نقلیاتین گئچیجی اولاراق دوردورولدوغونو ایفاده ائدرک، یوردایچی اوچوشلارین دا باشلایابیلهجگینی سؤیلهدی.
طالبان افغانیستانی اله گئچیردیکدن سونرا، آمریکا عسگرلرینین هاوا لیمانینی ترک ائتمهدن اول رادار سیستملرینه و بعضی تجهیزاتا ضرر وئرمهسی ندنی ایله آگوست آییندا کابل هاوا لیمانی اوچوشلاری باغلانمیشددی.