ایران-دا کوروناویروس‌دان اؤلن‌لرین سایی 96 مینی اؤتوب
بونو ایرانین ساغلیق، معالیجه و طبی تحصیل ناظیرلیگی اعلان ائدیب.
ایران-دا اؤتن گون عرضینده 620 نفر کوروناویروس‌دان (کووید-19) اؤلوب.
بونو ایرانین ساغلیق، معالیجه و طبی تحصیل ناظیرلیگی اعلان ائدیب.
بونونلا دا ایران-دا بو ویروس‌دان اؤلن‌لرین سایی 97 مین 828 نفره یوکسلیب.
اؤلکه‌ده اؤتن 24 ساعات عرضینده 36 مین 736 نفر کوروناویروسا یولوخوب. بئله‌لیکله اؤلکه‌ده بو ویروسا یولوخان‌لارین سایی 4 میلیون 425 مین 821 نفره چاتیب. ویروس داشیییجیلاریندان 7 مین 323 نفرین وضعیتی آغیر قیمتلندیریلیر.
ایران-دا ایندییه‌دک 3 میلیون 728 مین 940 نفر کوروناویروس‌دان ساغالیب، 27،1 میلیون‌دان چوخ تشخیص تستی حیاتا کئچیریلیب.
عمومی‌لیکده، ایران-دا تخمینن 19 میلیون واکسن وورولوب. بیرینجی مرحله اوزره واکسیناسیون اولونان‌لارین عمومی سایی 15 میلیون، ایکینجی مرحله اوزره واکسیناسیون اولونان‌لارین سایی ایسه 4،07 میلیون تشکیل ائدیر.
کوروناویروسا یولوخما اوزره 359 شهر قیرمیزی، 59 شهر ایسه نارینجی زونا حساب اولونور. قیرمیزی و نارینجی زونا حساب اولونان شهرلره گئدیش-گلیش قاداغان‌دیر. بوندان باشقا 30 شهر ساری زونا حساب اولونور.
