تاجیکستان، اشرف غنینین بو اؤلکه‌یه گئتمه‌دیگینی آچیقلادی

تاجکیستان خاریجی ایشلر باخانلیغی افغانستان جمهورباشقانی اشرف غنینین اؤلکه‌یه گلدیگینه دایر خبرلرین گئرچک اولمادیغینی بیلدیردی.

 خاریجی ایشلر باخانلیغیندان وئریله‌ن یازی‌لی آچیقلامادا غنینین اوچاغینین تاجیکستانین هاوا ساحه‌سینه گیرمه‌دیگی و اؤلکه اراضی‌سینه ائنمه‌دیگی قید ائدیلدی.

آچیقلامادا بونونلا باغلی تاجیکستان طرفینه هئچ بیر طلب گؤندریلمه‌دیگی بیلدیریلدی.

اؤته یاندان، افغانستانین داشکند ائلچیلیگیندن بیر یئتکیلی ده اشرف غنینین اؤزبکیستان‌دا اولماسی ایله باغلی هئچ بیر معلوماتا صاحب اولمادیغینی بیلدیردی.

بعضی باسین اورگانلاریندا، طالبان افغانستانین باشکندی کابلا گیردیک‌دن سونرا اؤلکه‌سینی ترک ائد‌ن اشرف غنینین تاجیکستانا گئتدیگینه دایر بیلگیلر وار.