عراق-دا الکتریک اؤتوروجو خط‌لرینه ائدیلن هوجوم‌لار

عراق-دا ایلین اولیندن بری 160 الکتریک اؤتوروجو قولله و خطینه هوجوما ائدیلیب.

ایچ ایشلر ناظیرلیگینه باغلی انرژی پولیس قوموتانلیغی طرفیندن یاییم‌لانان راپوردا ایلین اولیندن بری الکتریک اؤتوروجو قولله‌لره و خط‌لره چوخ سایدا هوجوم ائدیلدیگی بیلدیریلیب.

ژانویه-10 جولای تاریخ‌لری آراسیندا اؤلکه داخیلینده 106 الکتریک اؤتوروجو قولله و 54 الکتریک خطی‌نین پارتلاییجی ماده‌لرله هدف آلیندیغی قئید ائدیلیب.

عراق-دا خصوصیله سون هفته‌لرده اؤلکه‌نین قوزیی، باتی و دوغو حیسه‌لرینده الکتریک خط ‌لرینی هدف آلان بومبا هوجوم‌لاریندا آرتیم اولوب.

بو وضعیت الکتریک انرژی‌سی‌نین تز-تز کسیلمه‌سینه و خیدمت چاتیشمازلیغی ایله علاقه‌دار خالقین اعتراضلارینا سبب اولور.

اؤلکه یئتکیلیلری اکثر هوجوم‌لارین آرخاسیندا ترور تشکیلاتی داعش عضو‌لری‌نین دایاندیغینی ادعا ائدیر.