حماس ایسراییلله خبردارلیق ائدیب

حماس ایسراییله غزه-ده‌کی محاصره نین قالدیریلماسینی "تاخیره سالماماق" باره‌ده خبردارلیق ائدیب.

غزه-ده‌کی فیلیسطین‌لی قروپ‌لار ایسراییل-ین ایللردیر داوام ائتدیردیگی محاصرنی و قبول ائدیلن سون آتشکس قرارینی موذاکیره ائتمک اوچون بیر آرایا گلیب.

گؤروش‌دن سونرا حماس طرفیندن یاییلان آچیقلامادا بیلدیریلیب کی، ایشغالچی‌لارا و متفیق‌لرینه خبردارلیق ائدیریک کی، غزه-نین محاصره‌سینی قال‌دیرماقدا گئجیکمیین، محاصرنی قالدیرماق اوچون اولجه‌دن معین ائدیلمیش آددیم‌لاری آتماق‌دان چکینمیین و یئنی‌دن قورولما ایشلرینه مانع اولمایین. خالقیمیز و قیامچی‌لار هئچ واخت سوسمایا‌جاق‌لار. دوشمن هر هانسی بیر سئچیم اوچون حاضیر اولدوغوموزو گؤره‌جک.

ایسراییل-ین شانتاژ سیاستینده موفق اولمایاجاغی بیلدیریلن آچیقلامادا آشاغی‌داکی ایفاده‌لر یئر آلیب:

"خالقیمیزا قارشی ائدیلن هئچ بیر ظلمو و یا بعضی مسئله‌لری بیرلشدیرمک جهدینی قبول ائتمه‌یه‌حیییک. اسیر قارشیلیغیندا اسیر وئریله‌جک. دوشمن اول‌لر گؤرمه‌دیگی پیس گون‌لری گؤره‌جک. خالقیمیز میدان اوخوماغا حاضیردیر".

فیلیسطین-ین بیرلشمیش میللت‌لر تشکیلاتی‌نین (بمت) باش کاتیبی آنتونیو گوترش‌دن ایسراییل-ین اوشاق حقوق‌لارینی پوزان‌لارین دا یئر آلدیغی "اوتانج سیاهی‌سی" اولا‌راق دا بیلینن قارا سیاهییا ایسراییل-ین ده داخیل ائدیلمه‌سینی ایستمه‌سینه دقت چکیلن آچیقلامادا بمت-نین ایسراییل ایله "دانیشیقلی دوویوشو" قینانا‌راق ایسراییلین "اوتانج سیاهی‌سی"نا داخیل ائدیلمه‌مه‌سینه رئاکسیا گؤستریلیب.

بمت-نین اورتا دوغو باریش پروسه‌سی اوزره خصوصی کووردیناتورو تور ونزلندین ایسراییل طرفداری موضعی ده بو آچیقلامادا قینانیب و بمت-نین قلوبال، اینسانی، سیاسی بیر تشکیلات اولدوغو، ایشغالچی‌لارلا جینایتده البیر اولماسی یاخود دا هر نوع محاصره‌یه معروض قالان سلاح‌سیز خالقا قارشی اونلارا دستک اولماقدان دئییل، باریشین یارانماسیندان و خصوصیله ایشغال آلتینداکی خالق‌لارا یاردیم ائتمک‌دن مسئول اولدوغو وورغولانیب.