۲ فیلیسطین‌لی، خسته‌خانادا حیاتینی ایتیردی
شهید اولانلارین ساییسینین ۲۵۳ نفره یوکسلدیگی، بونلارین ۶۶سینین اوشاق، ۳۹ونون دا قادین اولدوغو بیلگیسی پایلاشیلدی
اسرائیلین غزه‌یه قارشی سالدیریلارین‌دا یارالانان ۲ فیلیسطین‌لی، معالجه گؤردوکلری خسته‌خانادا حیاتینی ایتیردی.
مولکی ساوونما قروپلاری دا، خان یونسین دوغوسوندا ایجرا ائتدیکلری یییخیم قالدیرما ایشلری نتیجه‌سینده سالدیریلاردا شهید اولان ۴ نفرین جسدی تاپیلدی.
غزه‌ده‌کی فیلیسطین ساغلیق باخانلیغیندان وئریله‌ن یازی‌لی آچیقلامادا، سون رقملرله اسرائیلین غزه سالدیریلارین‌دا شهید اولانلارین ساییسینین ۲۵۳ نفره یوکسلدیگی، بونلارین ۶۶سینین اوشاق، ۳۹ونون دا قادین اولدوغو بیلگیسی پایلاشیلدی.
اسرائیلین محاصره آلتین‌داکی غزه‌یه ۱۰ می‌ده باشلاتدیغی سالدیریلار، حماس ایله واریلان آتیش‌کس ایله ۲۱ می‌ده یئرلی ساعاتلا ۰۲.۰۰ده سونا چاتمیشدی.
اؤته یان‌دان اسرائیل عسگرلری، ایشغال آلتین‌داکی اردن چایینین باتی ساحلینده یئر آلان تالمون یهودی یئرلشیم بیریمی یاخینلارین‌دا یول‌دان گئچه‌ن ۱۶ یاشین‌داکی بیر اوشاغی، اسرائیل آراجلارینا داش آتدیغی ادعاسییلا آتیش آچاراق یارالادی.
چیینین‌دن یارالانان اوشاغین عملیاتا آلیندیغی و وضعیتینین یاخشی اولدوغو بیلدیریلدی.
اسرائیل پلیسی، ایشغال آلتین‌داکی قدسون قوزئیینده یئر آلان بیت حنینا‌دا دا ۱۰ یاشین‌داکی فیلیسطین‌لی بیر اوشاغی گؤزآلتینا آلیندی.
شاهیدلر اسرائیل پلیسینین، اوشاغی بیر مدت پلیس ماشینیندا توتدوق‌دان سونرا یوللادیغینی ایفاده ائتدی.
فیلیسطین‌لی اوشاغین نیه گؤزآلتینا آلیندیغینا باغلی بیلگی وئریلمه‌دی.
