ایسرائیل سالدیریلاریندا فیلیسطین‌لی بیر قادین داها حیاتینی ایتیردی
ایسرائیل ساواش اوچاقلاری غزه‌نین گونئیینده‌کی رفح و خان یونس شهرلرینه شدت‌لی سالدیریلار تشکیل ائتدی
ایسرائیلین محاصره آلتینداکی غزه‌یه تشکیل ائتدیگی سالدیریلاردا فیلیسطین‌لی بیر قادین داها حیاتینی ایتیردی.
شهید ساییسی ۲۲۸ نفره یوکسلدی.
ایسرائیل ساواش اوچاقلاری غزه‌نین گونئیینده‌کی رفح و خان یونس شهرلرینه شدت‌لی سالدیریلار تشکیل ائتدی.
خان یونسین باتیسینداکی الستار بؤلگه‌سینه تشکیل ائدیله‌ن هاوا سالدیریسین‌دا فیلیسطین‌لی بیر قادین حیاتینی ایتیردی، ۶ نفر یارالاندی.
ایسرائیل ساواش اوچاقلارینین خان یونس شهرین‌ده‌کی گؤمروک محافظه بؤلگه‌سین‌ده اولان بیر بینایا تشکیل ائتدیگی هاوا سالدیریسین‌دا بیر نئچه نفر یارالانارکن، خان یونسین ژاپن محله‌سی ایله رفح‌ده‌کی الشبورا بؤلگه‌سین‌ده ده بیر ائوین هدف آلیندیغی سؤز قونوسو سالدیریلاردا اؤلن یا دا یارالانانین اولمادیغی بیلدیردی.
ساواش اوچاقلاری، جبالیا مهاجیر کمپین‌ده‌کی شهدا میدانینی دا بومبالادی. یارالیلارین اولدوغو سالدیری‌دا آلت‌یاپی دا بؤیوک ضرر گؤردو.
غزه‌ده‌کی ساغلیق باخانلیغی، داها اؤنجه وئردیگی آچیقلامادا ایسرائیلین ۱۰ می‌دن بو یانا غزه‌یه تشکیل ائتدیگی سالدیریلاردا ۶۴و اوشاق اولماق اوزره ۲۲۷ نفرین حیاتینی ایتیردیگینی، مین ۶۲۰ نفرین ده یارالاندیغینی بیلدیرمیشدی.
