مطهری‌دن ترامپا قارشی سوءقصد چاغریسی
"ایران‌لی اولمایان مثلاً آمریکالی بیری طرفین‌دن بو سوءقصد گرچکلشدیریله‌بیلیر"
ایران‌دا ۱۸ ژوئنده ائدیلمه‌سی پلانلانان جمهورباشقانلیغی سئچیملرین‌ده نامیزدلیگینی آچیقلایان اسکی مجلیس باشقان کؤمکچی‌سی علی مطهری، قاسم سلیمانییه قارشی سوءقصدین تاپشیریغینی وئره‌ن آمریکانین اؤنجه‌کی باشقانی دونالد ترامپین اؤلدورولمه‌سی لازیم اولدوغونو سؤیله‌دی.
ایرانین یاری رسمی آژانسی تسنیمه مصاحیبه وئره‌ن ۱۹۷۹داکی اینقیلابین تئوریسینلریندن آیت‌الله مرتضی مطهرینین اوغولو و اسکی مجلیس باشقان کؤمکچی‌سی علی مطهری، ترامپ ایله اسکی خاریجی ایشلر باخانی مایک پومپئویا قارشی سوءقصد چاغریسی ائتدی.
ترامپ و پومپئونون آمریکا سالدیریسیندا حیاتینی ایتیره‌ن اسکی قدس گوجو باشچیسی سلیمانییه قارشی سوءقصدین تاپشیریغینی وئردیگینی خاطیرلادان مطهری، بونلاری قئید ائتدی:
"بو وضعیت‌ده قیساس ائدیلمه‌لی‌دیر. بو قصاصین ایران دؤولتی طرفین‌دن ائدیلمه‌سی لازیم اولدوغونو سؤیله‌میرم. ایران‌لی اولمایان مثلاً آمریکالی بیری طرفین‌دن بو سوءقصد گرچکلشدیریله‌بیلیر".
