خامنه‌ای، حرام اعلان ائتمه‌یه چاغیر‌دی
"ایسرائیل بیر اؤلکه دئییل، ترور مرکزی‌دیر. اونا گؤره اونا قارشی ساواشماق هر کسین وظیفه‌سی‌دیر"
ایرانین دینی لیدئری علی خامنه‌ای، ایسرائیلین فیلیسطین‌لیلره قارشی ائیلملرینی تنقید ائد‌رک،
"ایسراییل بیر اؤلکه دئییل، ترور مرکزی‌دیر. اونا گؤره اونا قارشی ساواشماق هر کسین وظیفه‌سی‌دیر" دئدی.
ایران‌دا قدس گونو سببی ایله تلویزیون جانلی وئریلیشین‌ده دانیشا‌ن خامنه‌ای، ایسرائیلین فیلیسطین‌لیلره قارشی سالدیریلارینی و بعضی عرب اؤلکه‌لرینین ایسرائیل ایله ایلیشکلرینی نورماللاشدیرماسینی تنقید ائتدی.
آمریکا بیرلشمیش دؤولتلری، اینگیلتره و ایسرائیلی "فیلیسطینین دوشمنلری" اولاراق تانیملایان خامنه‌ای، پروبلئمین حلی اوچون بو گوجلره گوونیلمه‌مه‌سی لازیم اولدوغونو ایفاده ائتدی.
خامنه‌ای،
"صهیونیستلر، فیلیسطینی ایلک گوندن تروریست قرارگاهینا چئویردیلر. ایسرائیل بیر اؤلکه دئییل، ترور مرکزی‌دیر. اونا گؤره اونا قارشی ساواشماق هر کسین وظیفه‌سی‌دیر" ایفاده‌لرینی ایشلتدی.
ایران لیدئری، خریستیان و مسلمان دین آداملارینی، ایسرائیل ایله ایلیشکی‌لرین نورماللاشدیریلماسینی حرام اعلان ائتمه‌یه چاغیر‌دی.
