روحانی: ایران و پاکیستان روللارینی اجرا ائتمه‌لی
پاکیستان خاریجی ایشلر باخانی شاه محمود قریشینی قبول ائدن روحانی، ایکی اؤلکه ایلیشکیلری و افغانیستان‌داکی باریش سوره‌جینی دگرلندیردی
ایران جمهورباشقانی حسن روحانی، اؤلکه‌سی ایله پاکیستانین افغانیستان‌داکی باریش سوره‌جینین ایداره اولونماسین‌دا روللارینی ایجرا ائتمه‌لی اولدوغونو سؤیله‌دی.
ایران جمهورباشقانلیغین‌دان وئریله‌ن آچیقلامایا گؤره، پاکیستان خاریجی ایشلر باخانی شاه محمود قریشینی قبول ائدن روحانی، ایکی اؤلکه ایلیشکیلری و افغانیستان‌داکی باریش سوره‌جینی دگرلندیردی.
آمریکانین بؤلگه‌ده‌کی عسگری وارلیغینین گوونلیک و ثابت‌لیگیه خیدمت ائتمه‌دیگینی وورغولایان روحانی،
"ایران و پاکیستان، افغانیستانین ان ائتکیلی و اؤنملی قونشولاری اولاراق بو اؤلکه‌ده‌کی باریش سوره‌جینین یؤنتیلمه‌سینده روللارینی ایجرا ائتمه‌لی‌دیر. ایران، بو قونوداکی رولونو ایجرا ائتمک اوچون پاکیستان و افغانیستان ایله امکداش‌لیغی ممنونیتله قارشیلاییر" ایفاده‌لرینی ایشلتدی.
روحانی، ایکی اؤلکه آراسین‌دا امکداشلیغین آرتیریلماسی اوچون ائدیله‌ن آنلاشمالارین حیاتا گئچیریلمه‌سینین اؤنمینه ایشاره ائد‌رک، پاکیستانین انرژی احتیاجینی تامین ائتمه‌یه حاضر اولدوقلارینی تکرارلادی.
قریشی ده یاخین گله‌جک‌ده ایکی اؤلکه ایلیشکی‌لرینین اؤزللیکله تیجاری ساحه‌ده یئنی بیر مرحله‌یه گئچمه‌سینی آرزو ائتدیکلرینی ایفاده ائتدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
