بولقاریستان-دا پارلامئنت سئچکی‌لری‌نین یئکون نتیجه‌لری آچیقلاندی

بولقاریستان مرکزی سئچکی کمیسیونو (ZİK) کئچیریلن سئچکی‌لرین یئکون نتیجه‌لرینی آچیقلاییب.

نتیجه‌لره اساساً، دموکراتیک قوه‌لرین اتفاقی ایله کوالیسیوندا اولان حاکم "وطنداش‌لار بولقاریستانین آوروپا اینکیشافی اوغروندا" سیاسی پارتیسی (GERB) غالیب گلیب.

پارتی پارلامئنتده 75 میللت وکیلی ایله تمثیل اولونا‌جاق. بولقاریستانین 45-جی خالق مجلسینده (پارلامئنت) همچنین "بئله بیر خالق وار" پارتیسی، "حقوق و آزادلیق‌لار اوغروندا حرکات"، "دموکراتیک بولقاریستان"، "یوکسل. مافیا رد اول" وطنداش پلاتفورمونون نوماینده‌لری ده تمثیل اولونا‌جاق‌لار.

کمونیست منشأ‌لی روسیا‌پرست بولقاریستان سوسیالیست پارتیسی (BSP) 43، میللت وکیلی‌نین اکثریتی تورک اولان حقوق و آزادلیق‌لار حرکاتی (HÖH) 30 میللت وکیلینی پارلامئنته گؤندردی.

اؤلکه‌ده قئیده آلینان 6 میلیون 789 مین 605 سئچیجی‌دن 3 میلیون 334 مین 283-او سس وئریب.

نتیجه‌لر گؤستردی کی، هئچ بیر سیاسی پارتی تک باشینا بیر حکومت قورا بیلمیر.

یئنی کابینه‌نین پارلامئنت‌دن اعتیماد آلماسی اوچون ان آز 121 میللت وکیلی‌نین دستکی لازیم‌دیر.

نؤوبتی آی یئنی پارلامئنت ایشینه باشلایا‌جاق و حاضیرکی حکومت استعفا  وئره‌جک.