ارمنیستان ارکن سئچیمه گئدیر
نیکول پاشینیان، ارمنیستاندا ارکن پارلمان سئچیملرینین ائدیلهجگینی آچیقلادی
ارمنیستان باشباخانی نیکول پاشینیان،۲۰ ژوئنده ارکن پارلمان سئچیملرینین ائدیلهجگینی آچیقلادی.
پاشینیان، فیسبوکدان یاییملادیغی یازیلی آچیقلامادا، بو گون موخالیفتدهکی مرفه ارمنیستان پارتیسینین لیدئری گاگیک تساروکیان ایله گؤروشدویونو بیلدیردی.
گؤروشمهده، اؤلکهدهکی مؤوجود سیاسی وضعیتدن ان یاخشی چیخیش یولونون ارکن سئچیملر اولدوغونون دیله گتیریلدیگینی ایفاده ائدن پاشینیان،
"جمهورباشقانی آرمن سارکیسیان، منیم آدیمیم پارتیسی و آیدینلانمیش ارمنیستان پارتیسی ایله آپاردیغیمیز مصلحتلشمهلری نظره آلدیغیمیزدا، ارمنیستاندا ارکن پارلمان سئچیمی۲۰ ژوئنده گئچیریلهجک" ایفادهسینی ایشلتدی.
ارمنیستان باش قرارگاه رئسی اونیک گاسپاریان و یوکسک روتبهلی قوماندانلار، ۲۵ فوریهده باشباخان پاشینیانی استعفایا چاغیران بیر بیلدیریه امضا آتاراق، پاشینیانا بیر مموراندوم وئرمیشدی.
پاشینیان درحال باش قرارگاه رئسی گاسپاریانی وظیفهدن آلدیغینی اعلان ائتمیشدی.
مخالیفت یؤنلو توتوم گؤسترن جمهورباشقانی سارکیسیان، گاسپاریانین وظیفهسیندن آلینماسینا دایر فرمانی ایمضالامامیشدی.
پاشینیان، اوردو باشچیلارینین اونو استعفایا چاغیریشلارینی "چئوریلیش گیریشیمی" اولاراق دگرلندیرمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.