عراق کورد بؤلگه‌سل اداره‌سی و تورکمن جبهه‌سیندن سؤزده خاطره تمبری آچیقلاماسی
"عراق کورد بؤلگه‌سل اداره‌سیندن آتیلان بو جور تهلوکه‌لی آددیملاری دوردورماسینی و اؤنجه‌کی خطالاری تکرارلاماماسینی ایسته‌ییریک"
عراق کورد بؤلگه‌سل اداره‌سی حکومت سؤزچوسو جوتیار عادل، تورکیه‌نین بعضی ولایتلرینین ده داخیل اولدوغو قوندارما بیر خریطه‌نین یئر آلدیغی و تورکیه‌نین تپکیسینی چکن تمبر باسما پلانینین اونایلانمادیغینی اعلان ائتدی.
عادل، اربیلده تشکیل ائتدیگی مطبوعات توپلانتیسین‌دا، پاپا فرانسیسین عراقا سفری موناسیبتی ایله عراق بؤلگه‌سل کورد اداره‌سی طرفیندن باسیلماسی اؤن‌گؤرولن خاطره تمبرلری ایله باغلی بیر آچیقلاما وئردی.
عادل، آچیقلاماسیندا،
"بیر نئچه صنعت‌چی تمبرین چاپ ائدیلمه‌سی نومونه طرحلر سوندو. آنجاق ایندییه قدر هئچ بیر تمبر باسیم اوچون اونایلانمادی. چاپ اوچون سئچیله‌جک تمبر، قانون و یاسالارا اویغون اولاجاق" دئدی.
عراق تورکمن جبهه‌سی باشقانی ارشد صالحی ده یاییملادیغی یازی‌لی آچیقلاماسیندا، کرکوک و موصولون دا سؤزو گئدن خریطه‌یه داخیل ائدیلمه‌سینین بو شهرلری بؤلگه‌سل چکیشمه‌لر ایچینه چکمک آنلامینا گله‌جگینی بیلدیردی.
سوریه، ایران و تورکیه‌نین بعضی بؤلگه‌لرینی ده احتیوا ائدن خریطه‌نین رسم ائدیلدیگی بیر تمبرین ده پلاندا یئر آلدیغینین گؤرولدوگونو ایفاده ائدن صالحی، بونلاری سؤیله‌دی:
"بو آددیملار بؤلگه‌نین و عراقین میلی گوونلیگینی تهدید ائدیر. عراق کورد بؤلگه‌سل اداره‌سیندن آتیلان بو جور تهلوکه‌لی آددیملاری دوردورماسینی و اؤنجه‌کی خطالاری تکرارلاماماسینی ایسته‌ییریک".
بؤلوجو ترور هؤرگوتو پ‌کاکانین مکرلی عمللرینه خیدمت ائد‌ه‌جک آددیملاردان قاچینیلماسی لازیم اولدوغو بیلدیریلن آچیقلامادا، عراقین اگمنلیگینه و تورپاق بوتؤولویونه ضرر وئره‌جک حرکتلردن اوزاق دورولماسی ایسته‌نیلدی.
تورکیه خاریجی ایشلر باخانلیغی طرفیندن یاییملان آچیقلاماد دا بو پلانا تپکی گؤستریلمیش،
"کورد بؤلگه‌سی اداره‌چی‌لریندن بو بؤیوک خطانین درحال دوزلدیلمه‌سینه دایر لازیم اولان آچیقلامانین سرعتله و آیدین شکیل‌ده وئرمه‌سینی گؤزله‌ییریک" ایفاده‌لری ایشله‌دیلمیشدی
