ایران: توتوقلو دییشیمینه حاضریق

ایران آمریکا ایله توتوقلو دییشیمینه حاضر اولدوغونو آچیقلادی.

ایران رسمی آژانسی ایرنانین وئردیگی معلوماتا گؤره، ایران حکومتینین سؤزچوسو علی ربیعی، تهران‌دا تشکیل ائتدیگی مطبوعات کنفرانسین‌دا گوند‌مه دایر دگرلندیرمه‌لر وئردی.

محکوملارین دییشدیریلمه‌سی ایله باغلی خاریجی ایشلر باخانی محمد جواد ظریفین داها اؤنجه ایران رهبرلیگینین توتومونو آچیقلادیغینی بیلدیره‌ن ربیعی،

" بوتون توتوقلولاری دییشدیرمه‌یه حاضیریق. اگر بو اولای بو گونه قدر باش وئرمه‌‌دی ایسه، بونون سببی آمریکانین حاضر اولماماسی‌دیر" ایفاده‌لرینی ایشلتدی.

ربیعی، دونیادا بیر چوخ ایرانلی‌نین آمریکانین باسقیلاری نتیجه‌سین‌ده توتوقلاندیغینی قید ائتدی.

ایران و آمریکا آراسین‌داکی نوکلئر آنلاشما قونوسونا دا توخونان ربیعی، بیر داها آمریکانی تحریملری لغو ائتمه‌یه و شرط‌سیز آنلاشمایا قاییتمایا چاغیردی.