روحانی:" ایران آژانس ایله امکداشلیغا همیشه حاضیردیر"
ایران پرزیدنتی حسن روحانی تهران-ین اولوسلار آراسی آتوم انرژیسی آژانسینین (UAEA) اؤز وظیفهسینی ایجرا ائتمهسی اوچون امکداشلیغا همیشه حاضیر اولدوقلارینی سؤیلهییب.
ایران پرزیدنتی حسن روحانی تهران-ین اولوسلار آراسی آتوم انرژیسی آژانسینین (UAEA) اؤز وظیفهسینی ایجرا ائتمهسی اوچون امکداشلیغا همیشه حاضیر اولدوقلارینی سؤیلهییب.
ایران جمهور باشقانلیغیندان وئریلن معلوماتا گؤره، پایتاخت تهران-دا ایرلاندیا خاریجی ایشلر ناظیری سایمون کاوونینی قبول ائدن روحانی اونونلا آتوم موقاویلهسی و اولوسلار آراسی آتوم انرژیسی آژانسی ایله امکداشلیق مؤوضوع لارینی موذاکیره ائدیب.
حسن روحانی دئییب: "ایران پارلامئنتینین قبول ائتدیگی قانونا اویغون اولاراقNPT چرچیوهسینده 2016-جی ایلدن بو یانا کؤنوللو اولاراق تطبیق ائتدیگیمیز علاوه پروتوکولدان آیریلدیق. بونونلا دا NPT علاوه پروتوکولونون تطبیقی دایاندی. آنجاق ایران باغلانیلان راضیلاشمایا اساساً اولوسلار آراسی آتوم انرژیسی آژانسینین اؤز وظیفهسینی ایجرا ائتمهسی اوچون امکداشلیغا حاضیردیر.
بیرلشمیش میللتلر تشکیلاتی تهلوکهسیزلیک شوراسی امریکانین سابیق رهبرلیگینه قارشی اویغون موباریزه آپارمالیدیر.
ایران بؤلگهدکی بحرانین حلی اوچون اولوسلار آراسی تشکیلاتلارلا امکداشلیق ائتمهیه حاضیردیر. پروبلئملرین حلی اوچون ان یاخشی یول قارشیلیقلی حؤرمته سؤیکنن موذاکیرهلر و بوتون تهدید و تضییقلردن اوزاق اولماقدیر.
آتوم موقاویلهسینین جانلاندیریلماسی امریکانین تحریم لری قالدیرماسی و طرفلرین قایدالارا تام رعایت ائتمهسیله باغلیدیر. آوروپا بیرلیگی اؤلکهلری آدیم آتمالیدیر، اما هئچ نه ائتمیر.
ایران آتوم موقاویلهسینه صادق قالدی و آغیر بدل اؤدهین تک اؤلکه اولدو، آنجاق وضعیت بو شکیلده داوام ائده بیلمز. راضیلاشمانین قورونماسی و جانلاندیریلماسی اوچون بوتون طرفلرین 2231 سایلی بمت تهلوکهسیزلیک شوراسی قرارینا اویغون گلمهسی ضروریدیر. امریکا تحریم لری قالدیردیغی، تهدید و تضییق سیاستینی کنارا قویدوغو زامان ایران واخت ایتیرمهدن آتوم موقاویلهسی شرطلرینی یئرینه یئتیرهجک".
ایرلاندیا خاریجی ایشلر ناظیری سایمون کاوونی ایسه ایران پرزیدنتی ایله صحبتینده آتوم موقاویلهسینی "باریش اوچون قیمتلی اولوسلار آراسی راضیلاشما" آدلاندیریب و: "ایرلاندیانین بمت تهلوکه سیزلیک شوراسی-نین موقتی عضوو اولسا دا، بو ایستیقامتده سعی گؤسترمهیه داوام ائدهجک. شرطلرین یونگول لشدیریلمهسی و طرفلرین تکرار موذاکیرهلره باشلاماسی اوچون هر جور رولو اویناماغا حاضیر اولدوقلارینی بیلدیریب.