ایرواندا اعتراضچیلار حکومت بیناسینا گیردی
"ایستدیگیمیز بینایا گیره بیلهجگیمیزی گؤسترمک ایستهدیک"
ارمنیستاندا مخالیفت طرفدارلاری باشکند ایروانین مرکزینده یئرلشن حکومت بیناسینا گیردیلر.
«ریا نوووستی»نین معلوماتینا گؤره، اعتراضچیلار، باشباخانین استعفاسینا دایر شعارلار سسلندیردیکدن سونرا حکومت بیناسینی ترک ائدیلر.
بینانی ترک ائدن گؤستریچیلر، "ایستدیگیمیز بینایا گیره بیلهجگیمیزی گؤسترمک ایستهدیک" ایفادهلرینی ایشلتدی.
اؤته باندان، ارمنیستان باشباخانی اوردونون اونا یؤنلدیلمیش استعفا چاغریسیندان سونرا، "اؤلکهنین دموکراتیک آنایاسال سیستمینی مدافعه ائتمک اوچون" میتینگه چاغیردی.
۲۸ فوریهده "فیسووک" اوزریندن آچدیغی جانلی یاییندا دانیشان باشباخان اعتراض میتینگی اوچون چاغیریش ائدرک، "میتینگ و یوروشون مقصدی ارمنیستانداکی دموکراتیک آنایاسال سیستمی و خالقین گوجونو مدافعه ائتمکدیر. چونکو اؤلکهمیزده گوج خالقا عایددیر" ایفادهلرینی ایشلتدی.
پاشینیان طرفدارلارینی یئرلی واختلا ساعات ۱۸:۳۰دا جمهوریت میدانینا دعوت ائدرکهن، حکومته قارشی چیخان قروپلار ساعات ۱۸:۰۰دا مارشال باغرامیان میدانیندا بیر آرایا گلهجک.
ارمنیستان سلاحلی قوهلری باش قرارگاهی باشباخان نیکول پاشینیانی استعفایا چاغیران بیلدیری یایینلامیشدی.
پاشینیان باش قرارگاهین بیاناتینی نظامی چئوریلیش گیریشیمی آدلاندیرمیشدی. او، باش قرارگاه رئیسی اونیک قاسپاریانی وظیفهسیندن اوزاقلاشدیردیغینی آچیقلامیشدی.