ایراندا یوخسوللوق سینیریندا یاشایانلارین نسبتی آرتدی
ایران مجلسی اقتصادی آراشدیرمالار مرکزی باش مودورو موسی شهبازی، اؤلکهسینده یوخسوللوق سینیری آلتیندا یاشایانلارین ساییسینین یوزده ۳۵ نسبتینه یوکسلدیگینی بیلدیردی
تسنیم خبر آژانسینا گؤره، شهبازی: "اؤلکهده یوخسوللوق سینیری آلتیندا یاشایانلارین نسبتی یوزده ۳۵ اولدو. اورتالاما ارزاق مصرفی سون ایللرده اؤنملی درجهده آزالدی. اینسانلار ات یئرینه تویوق و یومورتا یئییرلر" دئدی.
۲۰۱۸.جی ایلین نوامبر آیی ایله ۲۰۱۹.جو ایلی آراسی تویوغون قیمتی یوزده ۸۴، یومورتانین قیمتی ایسه یوزده ۸۸ آرتدیغینی بیلدیرن شهبازی، بو باهالیلیغین تویوق و یومورتا مصرفینه ده تهدید اولاجاغینی سؤیلهدی.
شهبازی، اؤلکهده ارزاق گوونلیگی سیاستینین تامامیله باشاریسیز اولدوغونو بیلدیردی.
ایران مجلسی ایشچیلر فراکسیونو باشقانی علی رضا محجوب ۱۴ اکتبر ۲۰۱۸ده، ۲۰۱۷ده اؤلکهدهکی یوخسوللوق سویهسینین یوزده ۱۷ دولاییندا اولدوغونو بیلدیرمیشدی.
ایراندا آوریل آییندا معین ائدیلن مینیموم امک حاقی گئچن ایلله مقایسهده یوزده ۲۱ آرتاراق ۱ میلیون ۸۳۵ مین تومن (تخمیناً ۷۱ آمریکا دلاری) اولاراق آچیقلانمیشدی. بونون اعلان ائدیلمهسیندن سونرا ایرانلی مبت وکیلی سهیلا جلودارزاده آوریلین ۱۷سینده، "بو گون تورم تخمیناً یوزده ۴۰ دولاییندا. ایشچیلرین آیلیغی ایسه آنجاق یوزده ۲۱ آرتیریلدی. بو، مینیموم امک حاقی ایله ایشچی صینیفینه ظلم ائدیلیر" دئمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.