ایران واکسن آلابیلمیر

ایران دؤولت سؤزچوسو علی ربیعی، اؤلکه‌سینین تروریزمین مالیه‌لشدیریلمه‌سی و چیرکلی پوللارین یویولماسی قونوسوندا مالی اصلاحاتلارینی باشا چاتدیرمادیغی و مالی ائیلم اؤزل قروپونا(FATF) عضوو اولمادیغی اوچون کووید-۱۹ واکسنینین آلماق اوزره پول کؤچورمه‌ ایله باغلی پروبلئملر یاشادیغینی سؤیله‌دی.
ربیعی، تهران‌دا مطبوعات کونفرانسین‌دا اقتصادی قالخینما و امکداش‌لیق تشکیلاتینین مالی ائیلم اؤزل قروپونا عضولوک ایله باغلی دانیشدی.
گئچن ایل ایران پارلمانی طرفین‌دن قبول اولونموش، آنجاق آنایاسا قورویوجولار شوراسینین تایید ائتمه‌دیگی لایحه‌نین یاسالاشماماسی ندنی ایله، کوروناویروس (کووید-۱۹) واکسنی آلما قونوسوندا مانع‌لرله اوزلشدیکلریمی سؤیله‌ین ربیعی:
"تحریملر و مالی ائیلم اؤزل قروپونون تطبیق ائتدیگی قوراللار سببی ایله واکسن آلابیلمیریک" دئدی.
دؤولتین لایحه‌نی قبول ائتمه‌یه چالیشدیغینی خاطیرلادان ربیعی: "عمومیتله، مالی ائیلم اؤزل قروپونا عضوو اولماما و قارا لیستده اولمانین تأثیری، پول تامینی و عملیاتلارین‌دا گؤرولدو. تحریملرین مانع اولمادیغی دوروملاردا بئله، مالی ائیلم اؤزل قروپو بهانه‌لر اویدورور" دئدی.