ائرمنیستانین ساواش جینایتلری دونیایا تقدیم ائدیله‌جک
تورکیه-نین اومبودسمان ایدارسی ائرمنیستان اوردوسونون آذربایجانین داغلیق قاراباغ بؤلگه سینده تؤرتدیگی حربی جینایتلرله باغلی راپور حاضیرلاییب.
تورکیه-نین اومبودسمان ایدارسی ائرمنیستان اوردوسونون آذربایجانین داغلیق قاراباغ بؤلگه سینده تؤرتدیگی حربی جینایتلرله باغلی راپور حاضیرلاییب.
بو بارده تورکیه-نین باش اومبودسمانی (سازمان بازرسی) شرف مالکوچ معلومات وئریب. شرف مالکوچ حاضیرلانان راپورون بو هفته‌دن اعتبارا تورکیه و دونیا‌داکی موافیق قوروم و قورولوش‌لار ایله آوروپا بیرلیگینه عضو اؤلکه لرین پارلامئنتلرینین اینسان حقوق‌لاری اوزره کمیسیون لارینا گؤندرجکلرینی بیلدیریب.
راپور حاضیرلانارکن آذربایجانا سفر ائدرک ائرمنیستان اوردوسونون هوجوملاری نتیجه سینده ضرر گؤرن سیویل یاشاییش منطقه لرینه باش چکدیگینی بیلدیرن مالکوچ ائرمنیستانین هوجوملاری نتیجه سینده 94 سیویل حیاتینی ایتیردیگینی، 414-نون ده یارالاندیغینی بیلدیریب: "آذربایجانا سفریمیز زامانی خصوصیله گنجه، ترتر، گورانبوی، آغدام حتی باکی اطرافیندا راکت‌لرله وورولان یئرلره باش چکدیک. گنجه حرب میدانیندان کیلومترلرله اوزاقدا اولماسینا باخمایا‌راق ائرمنیستان‌دان آتیلان راکت لرله وورولدو، ترتر ده ائله‌جه.
هامیمیز محاربه‌نین باش وئرمه‌یه‌جگینه اومید ائدیریک. آنجاق اولوسلار آراسی حقوقا گؤره محاربه اؤزونو مودافعه و بونا بنزر سبب‌لردن جبهه‌ده اولا بیلر. آنجاق محاربه جبهه‌سیندن 100-150 کیلومتر اوزاقدا سیویل یاشاییش منطقه‌لرینی وورماق اینسانلیغا قارشی جینایت‌دیر. بو، آوروپا اینسان حقوق‌لاری کنوانسیونو، ژنو کنوانسیونوندا ایفاده اولونان اساس حقوق‌لارا قارشی جینایت‌دیر.
آذربایجان‌داکی هوجوم‌لارین آجینا‌جاق‌لی نتیجه‌لری‌نین شاهیدی اولدوق. هوجوم‌لار نتیجه‌سینده اؤلن‌لرین یاخینلاری ایله، یارا‌لانان‌لارلا دانیشدیق. آناسینی و آتاسینی ایتیرن اوشاق‌لارلا دانیشدیق. ییخیلان مکتب‌لری و ائولری گؤردوک. بو هوجوم‌لار نتیجه‌سینده عبادت یئرلرینه زیان وورولدوغونو گؤردوک. اطرافین نئجه داغیلدیغینی، قاداغان ائدیلمیش سلاح و بومبا‌لاردان نئجه ایستیفاده ائدیلدیگینی گؤردوک. راپوردا هامی‌سینی ایضاح ائتدیک.
7 بولومدن عبارت اولان راپوردا "داغلیق قاراباغ پروبلئمی"، "یئرینده آراشدیرما نتیجه‌سینده قبول ائدیلن قرارلار"، "موناقیشه‌لرین اینسان حقوق‌لاری باخیمیندان قیمتلندیریلمه‌سی" کیمی باش‌لیق‌لار یئر آلیب. بوندان باشقا راپوروموزدا ائرمنیستان سلاحلی قوه‌لری‌نین حیاتا کئچیردیگی هوجوم‌لارین کرونولوژیک سیاهی‌سینی تقدیم ائتدیک.
ائرمنیستان سلاحلی قوه‌لری‌نین هوجوملاری نتیجه‌سینده حیاتینی ایتیرن و شهید ائدیلن دینج ساکین‌لرین فوتولارینی آیریجا آراشدیردیق. حاضیرلادیغیمیز راپوردا تاریخده بیر قئید اولماسینی ایسته‌دیک. سیویل وطنداش‌لاری قتله یئتیرن‌لرین، گئجه ساعات 01: 00-دا بیر یاشینداکی کؤرپه‌لری و یا یاش‌لی‌لاری، محاربه ایله علاقه‌سی اولمایان‌لاری اؤلدورن‌لرین آشکارلانا‌راق، بون‌لارین اولوسلار آراسی محکمه‌لرده موحاکیمه ائدیلمه‌سی اوچون جهد گؤسترمه‌یه چالیشدیق. راپورو بو هفته‌دن اعتباراً تورکیه-دکی عایدیتی اولان قوروم و تشکیلات‌لارا، دونیا‌داکی بوتون اینسان حاق‌لاری قوروم‌لارینا، اومبودسمان‌لارا و اینسان حاق‌لاری مودافیچی‌لرینه گؤندرجییک، آوروپا بیرلیگی اؤلکه‌لری‌نین پارلامئنتلرینین اینسان حاق‌لاری کمیسیون لارینا گؤندرجییک. آیریجا آذربایجانا دا گؤندرجییک. اینسان‌لیق و اینسان حاق‌لاری آدینا مسئولیتیمیزی یئرینه یئتیرمه‌یه چالیشدیق. بوندان سونراکی پروسه دیگر اولوسلار آراسی قوروم‌لارین عهده سینده‌دیر. البته ده کی، جینایتکارلاری، سیویل شخص‌لرین قاتیل‌لرینی، ژنو کنوانسیونو، آوروپا اینسان حقوق‌لاری کنوانسیونو و اینسان حاق‌لاری بیاننامه‌سینی پوزان‌لاری موحاکیمه ائتمک اوچون ساووجیلارین، محکمه‌لرین حضورونا چیخارماق، البته باشقا‌لاری‌نین دا اوزرینده‌دیر. بیزیم وظیفه‌میز بون‌لاری قئیدیاتا آلماق‌دیر.
ائرمنیستان حربی جینایت‌لر تؤرتمه‌سینه باخمایا‌راق مسئولیت داشیمایاجاغینی دوشونور. اونوتدوق‌لاری بیر شئی وار، ایندی دونیا سابیق دونیا دئییل، آذربایجان سابیق آذربایجان دئییل، تورکیه سابیق تورکیه دئییل. بو سبب‌دن ایندییه قدر اونلاری ارکؤیون ائدیب قورویان‌لار، بوندان سونرا بونو ائده بیلمه‌یه‌جک‌لر. لاکین بو راپور ائرمنیستانین اینسان حاق‌لاری پوزونتولارینا قارشی اولوسلار آراسی موحاکیمه اولونماسیندا دلیل اولا‌جاق. ائرمنیستانین نوامبرین 10-دا قوه‌یه مینن آتشکس‌دن سونرا اراضی‌لردن چیخماسی ایله ایشغال ائتدیگی تخریبات اورتایا چیخدی. داغینتی‌لار ایشغال اولونموش اراضی‌لرده باش وئردی. شوشا-دا، آغدام-دا، ترتر-ده و کلبجر-ده تاریخه قارشی تؤرتدیک‌لری جینایت‌لر وار. مسجیدلری دونوز تؤوله‌سینه چئویردی‌لر، مسلمان‌لارین قبیرلرینی داغیتدی‌لار. بو اولا‌جاق ایشدی؟ خوجا‌لی‌داکی قتل عامین و یا بنزر قتل عام لارین، بون‌لارین هامیسی‌نین جاوابینی وئره‌جک‌لر کی، بوندان سونرا بئله سهو ایشلره ال آتماسین‌لار.
راپوردا ائرمنیستانین موناقیشه بؤلگه‌لریندن اوزاق اراضی‌لردکی سیویل یاشاییش منطقه‌لرینی هدف آلدیغی، ائرمنیستان سلاحلی قوه‌لری‌نین هم سیویل شخص‌لرین یاشاماق حقوق‌لارینی پوزدوغو، هم ده اولوسلار آراسی اینسانی قانون چرچیوه‌سینده محاربه جینایتلری تؤرتدیغی قئید اولونوب.
راپوردا راکت‌لرله وورولان سیویل یاشاییش یئرلری‌نین فوتوشکیل‌لری، داغینتی‌لار تقدیم ائدیلیب. یارارسیز وضعیته دوشموش سیویل تاسیس لرین سایی 512، چوخ منزیل‌لی یاشاییش بینا‌لاری‌نین سایی 120، یاشاییش ائولری‌نین سایی ایسه 3 410-دیر. هوجوم‌لار نتیجه‌سینده قوهوم‌لارینی ایتیرن‌لرله کئچیریلن گؤروش‌لر ده راپوردا ایضاح اولونوب.
گنجه‌دکی ائوین زیارتینه دایر هوجومدا آناسینی، آتاسینی و ننه‌سینی ایتیرن 2 یاش‌لی نیلای‌ین خالاسی ایله تانیش اولدوق. خالاسی نیلای‌ین آناسی‌نین حامله اولدوغونو، دوغولمامیش قارداشینی ایتیرن نیلای‌ین دایم آغلادیغینی اؤیرندیک".
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
