ایران-دا سون گون عرضینده اؤلن‌لرین سایی 337 نفره یوکسلدی

ایراندا اؤتن گون عرضینده 337 نفر کروناویروس‌دان (کووید-19) اؤلوب.

بونو ایرانین ساغلیق، معالیجه و طبی تحصیل ناظیرلیگی‌نین سؤزچوسو سیما سادات لاری دئییب.

سیما سادات لاری‌نین سؤزلرینه گؤره، بونونلا دا ایراندا بو ویروس‌دان اؤلن‌لرین سایی 30 مین 717 نفره چاتیب.

ناظیرلیک رسمی‌سی دئییب کی، ایراندا اؤتن 24 ساعات عرضینده 4 مین 251 نفر کروناویروسا یولوخوب. ایندییه‌دک ایراندا 534 مین 631 نفر کروناویروسا یولوخوب. ویروس داشیییجیلاریندان‌ 4 مین 771 نفرین وضعیتی آغیردیر.

سادات لاری قئید ائدیب کی، ایراندا ایندییه‌دک 431 مین 360 نفر کروناویروس‌دان ساغالیب.

ایرانین تهران، اصفهان، قم، دوغو آذربایجان، گونئی خوراسان، سمنان، قزوین، لرستان، اردبیل، خوزستان، کرمانشاه، کهگیلویه و بویر احمد ، گیلان، بوشهر، زنجان، ایلام، رضوی خوراسانی، مازنداران، چهار محال و بختیاری، البرز، باتی آذربایجان، مرکزی، کرمان، قوزیی خوراسان، همدان و یزد و کوردیستان ویلایت‌لری قیرمیزی زونا‌لار حساب اولونور.

اؤلکه‌ده ایندییه‌دک 4،54 میلیون‌دان چوخ تشخیص تستی حیاتا کئچیریلیب.