ایران-دا 265 نفر کروناویروس‌دان اؤلوب
بونو ایرانین ساغلیق، معالیجه و طبی تحصیل ناظیرلیگی‌نین سؤزچوسو سیما سادات لاری دئییب.
ایران-دا اؤتن گون عرضینده 265 نفر کروناویروس‌دان (کووید 19) اؤلوب.
بونو ایرانین ساغلیق، معالیجه و طبی تحصیل ناظیرلیگی‌نین سؤزچوسو سیما سادات لاری دئییب. اونون سؤزلرینه گؤره، بونونلا دا ایران-دا بو ویروس‌دان اؤلن‌لرین سایی 29 مین 870 نفره چاتیب.
ناظیرلیک رسمی‌سی دئییب کی، ایران-دا اؤتن 24 ساعات عرضینده 4 مین 552 نفر کروناویروسا یولوخوب. بئله‌لیکله ایران-دا بو ویروسا یولوخان‌لارین سایی 522 مین 387 نفره یوکسلیب. ویروس داشیییجیلاریندان 4 مین 684 نفرین وضعیتی آغیردیر.
ایران-دا ایندییه‌دک 420 مین 910 نفر کروناویروس‌دان ساغالیب.
ایرانین تهران، اصفهان، قم، دوغو آذربایجان، گونئی خوراسان، سمنان، قزوین، لرستان، اردبیل، خوزستان، کرمانشاه، کهگیلویه و بویر احمد ، گیلان، بوشهر، زنجان، ایلام، رضوی خوراسانی، مازنداران، چهار محال و بختیاری، البرز، باتی آذربایجان، مرکزی، کرمان، قوزیی خوراسان، همدان و یزد ویلایت‌لری قیرمیزی زونا‌لار حساب اولونور.
اؤلکه‌ده ایندییه‌دک 4،45 میلیون‌دان چوخ تشخیص تستی حیاتا کئچیریلیب.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
