اعزاز-دا ترور تشکیلاتی پ.کا.کا/ی.پ.گ-نین هوجومو
موخالیفتین نظارتیندکی اعزاز-دا تؤرهدیلن پارتلاییشدا یارالانانلار بؤلگهدکی و تورکیه-ده کی خستهخانالارا یئرلشیریلیبلر.
سوریه-نین اعزاز بؤلگهسینده ترور تشکیلاتی پ.کا.کا/ی.پ.گ طرفیندن بومبا یئرلشدیریلمیش بیر اتومبیلین پارتلادیلماسی نتیجهسینده ایلکین معلوماتا گؤره سیویل وطنداشلاردان 5-ی هلاک اولوب، 85-ی ایسه یارالانیب.
موخالیفتین نظارتیندکی اعزاز-دا تؤرهدیلن پارتلاییشدا یارالانانلار بؤلگهدکی و تورکیه-ده کی خستهخانالارا یئرلشیریلیبلر.
تهلوکهسیزلیک قایناقلاری تروردان تمیزلنمیش بؤلگهلرده بومبالی هوجوملارین ترور تشکیلاتی ی.پ.گ/پ.کا.کا طرفیندن حیاتا کئچیریلدیگینی بیلدیرسه ده، سیویل وطنداشلارا ضرر وئریلدیگی اوچون تشکیلاتین بونون مسئولیتینی اوزرینه گؤتورمکدن ایمتینا ائتدیگینی بیلدیریر.
قئید ائدک کی، ژوئیه آیینین 19-دا سحر رادهلرینده عفرین قصبهسینین مرکزینده سوریه میللی اوردوسونون نقلیات واسیطهسینه یئرلشدیریلن بومبا پارتلادیلمیش و 13 نفر خسارت آلمیشدی.
ی.پ.گ/پ.کا.کا ترورچولاری تورکیه ایله روسیا آراسیندا 22 اوکتبر 2019-جو ایلده قبول ائدیلن راضیلاشمایا اساساً آیریلمالاری لازیم گلن تل رفعت قصبهسیندن تئز-تئز الباب، جرابلس و عفرین بؤلگهلرینی هدف گؤتورهرک ترور حادثه لری حیاتا کئچیریر.