ایران-دا کروناویروسلا باغلی رکورد قئیده آلیندی: داها 221 نفر اؤلدو

ایران-دا اؤتن گون عرضینده داها 221 نفرین کروناویروس‌دان (کووید-19) اؤلمه‌سی اؤز تصدیقینی تاپیب.

بونو ایرانین ساغلیق ناظیرلیگی‌نین سؤزچوسو سیما سادات لاری دئییب.

سادات لاری‌نین سؤزلرینه گؤره، 19 فوریه دن ایندییه‌دک ایران-دا کروناویروس‌دان اؤلن‌لرین سایی 12 مین 305 نفره چاتیب.

سادات لاری علاوه ائدیب کی، اؤتن 24 ساعات عرضینده 2079 نفر کروناویروسا یولوخوب. بئله‌لیکله ایران-دا بو ویروسا یولوخان‌لارین سایی 250 مین 458 نفره یوکسلیب. ویروس داشیییجیلاریندان‌ 3 مین 324 نفرین وضعیتی آغیردیر.

ناظیرلیک رسمی‌سی بیلدیریب کی، ایندییه‍دک ایران-دا 212 مین 176 نفر کروناویروس‌دان ساغالیب.

سادات لاری خوزستان، کوردوستان، باتی آذربایجان، دوغو آذربایجان، هرمزگان، بوشهر، ایلام، رضوی خوراسانی و کرمانشاه ویلایت‌لرینده وضعیتین آغیر اولدوغونو دئییب.

ایران-دا کروناویروسون تشخیصی ایله علاقه‌دار 1،89 میلیون‌دان چوخ تست حیاتا کئچیریلیب.