ایران-دا داها 116 نفر کروناویروس‌دان اؤلوب

ایران-دا اؤتن گون عرضینده داها 116 نفرین کروناویروس‌دان (کووید-19) اؤلمه‌سی اؤز تصدیقینی تاپیب.

بونو ایرانین ساغلیق ناظیرلیگی‌نین سؤزچوسو سیما سادات لاری دئییب.

سادات لاری‌نین سؤزلرینه گؤره، بئله‌لیکله ایران-دا بو گونه‌ده‌ک بو ویروس‌دان اؤلن‌لرین سایی 9 مین 623 نفره یوکسلیب.

سادات لاری علاوه ائدیب کی، ایران-دا اؤتن 24 ساعات عرضینده داها 2 مین 368 نفر کروناویروسا یولوخوب. بونونلا دا بو ویروسا یولوخان‌لارین سایی 204 مین 952 نفره چاتیب. ویروس داشیییجیلاریندان‌ 2 مین 887 نفرین وضعیتی آغیردیر.

ناظیرلیگین سؤزچوسو علاوه ائدیب کی، ایندییه دک ایران-دا 163 مین 591 نفر کروناویروس‌دان ساغالیب.

اونون سؤزلرینه گؤره، ایرانین خوزستان، هرمزگان کرمانشاه و دوغو آذربایجان ویلایت‌لرینده وضعیت داها تهلوکه‌لی‌دیر.

ایران-دا کروناویروسون تشخیصی ایله علاقه‌دار 1،42 میلیون‌دان چوخ تست حیاتا کئچیریلیب.