اندونزیا-دا گوجلو زلزه باش وئریب

اندونزیا-نین بالی آداسیندا 6،6 شدتینده گوجلو زلز‌له باش وئریب.

بو باره‌ده اندونزیا متورولوژی، ایقلیم و ژئوفیزیک خیدمتی معلومات یاییب. معلوماتا گؤره، زلز‌له‌نین مرکزی آدانین گونئی کوتا بؤلگه‌سیندن 273 کیلومتر گونئی – باتی ساحل لرینده، اوجاغی ایسه 10 کیلومتر درین‌لیکده یئرلشیب.

ایتکی، یارا‌لی و داغینتی‌لار باره‌ده معلومات وئریلمه‌ییب.

زلز‌له‌دن سونرا سونامی تهلوکه‌سی ایله باغلی خبردارلیق ائدیلمه‌ییب.