واشینگتن پست:"ایران اولن لرین گئرچک سایینی ساخلاییر"

ایرانین خاریجی ایشلر ناظیری جواد ظریف بو گونه قدر اؤلکه‌ده 429 آدامین اؤلومونه سبب اولان یئنی نوع کروناویروسلا (کووید-19) موباریزه آپارماق اوچون طبی لوازیمات‌لارا و آوا‌دان‌لیق‌لارا احتیاج اولدوغونو آچیقلاییب.

بو باره‌ده جواد ظریف شخصی تویتر صحیفه‌سینده یازیب. جواد ظریف وورغولاییب کی، ویروس آیری-سئچکی‌لیک ائتمیر. اینسان‌لار دا ائتمه‌مه‌لی‌دیر.

ایران-دا ویروسا یولوخان‌لار آراسیندا اؤلکه‌نین دینی لیدری علی خامنه ای مصلحتچیسی‌نین ده اولدوغو ادعا ائدیلیر.

بو آرادا امریکانین واشینگتن پست قزئتی ایرانین قم شهرینده یئنی نوع کروناویروس (کووید-19) سببیندن هلاک اولان‌لارین دفن ائدیلدیگی کوتلوی مزارلارا عایید اولدوغونو ادعا ائدن گؤرونتولری یاییملاییب. خبرده ایرانین هلاک اولان‌لارین گئرچک سایینی دا گیزلتدیگی ادعا ائدیلیب.

عراق-ین ساغلیق ناظیرلیگی عراق کورد بولگه سل رهبرلیگی ده داخیل اولماقلا اؤلکه‌ده کروناویروس اپیدمیاسی سببیندن هلاک اولان‌لارین سایی‌نین 8 اولدوغونو، یولوخان‌لارین سایی‌نین 83-ا یوکسلدیگینی و 24 نفرین معالجه اولونا‌راق خسته‌خانا‌دان بوراخیلدیغینی قئید ائدیب.

کویت-ین ساغلیق ناظیرلیگی ایسه اؤلکه‌ده یئنی نوع کروناویروسا (کووید-19) یولوخان‌لارین سایی‌نین 80 نفره چاتدیغینی آچیقلاییب.

سعودیه عربیستانیندا دا اپیدمیایا یولوخان‌لارین سایی 45 نفره یوکسلیب.