ظریف:"ایران آتوم موقاویله‌سی‌نین یئنی‌دن موذاکیره ائدیلمه‌سی‌نین طرفداری دئییل"
ایرانین خاریجی ایشلر ناظیری محمد جاواد ظریف آتوم موقاویله‌سی‌نین یئنی‌دن موذاکیره ائدیلمه‌سی‌نین طرفداری اولمادیق‌لارینی بیلدیردی.
ایرانین خاریجی ایشلر ناظیری محمد جاواد ظریف آتوم موقاویله‌سی‌نین یئنی‌دن موذاکیره ائدیلمه‌سی‌نین طرفداری اولمادیق‌لارینی بیلدیردی.
تویتر حسابیندان ائتدیگی شرحده محمد ظریف بئله آچیقلاما وئریب:
"ایران حکومتی آتوم موقاویله‌سیله باغلی امریکانین اوولکی پرزیدنتی باراک اوباما ایله ائتمه دیگینی ایندی دونالد ترامپلا دا ائتمه‌یه‌جک. چونکی ترامپلا آنلاشساق بئله، بو دفعه اوندان سونرا اولا بیله‌جک بوگونکو پرزیدنت‌لیگه نامیزدلر جو بایدن، الیزابت وارن و یا برنی ساندرز ایله یئنی بیر موقاویله‌یه احتیاج دویولمایاجاغی‌نین ضمانتی یوخ‌دور.
ایران آتوم موقاویله‌سی‌نین یئنی‌دن موذاکیره ائدیلمه‌سینه خیر دئییر.
اینگیلتره، فرانسا و آلمانیانین اختیلاف حل مکانیزمینی قوه‌یه میندیرمک قرارینی قیناییریق. بو اوچ آوروپا اؤلکه‌سی آتوم موقاویله‌سینه اویدوق‌لارینی ادعا ائدیرلر. اما اونلار ایران‌دان نفت وارداتینی صیفیرا ائندیردی‌لر، اؤلکه‌میزله بانکچی‌لیق فعالیت‌لرینه تحریم تطبیق ائتدی‌لر، “swift” عملیات‌لارینی کسدی‌لر، موقاویله‌نین چالیشماسی اوچون هئچ بیر شئی ائتمه‌دی‌لر.
آوروپا شیرکت‌لری ایران‌دان چیخیب. تحریم لر ایله باغلی آزاد قیدا و درمان‌لاری بئله ساتا بیلمیریک.
اینگیلتره، فرانسا و آلمانیانین باشقا اؤلکه‌لری تضییق آلتیندا ساخلادیق‌لاری، یالان دانیشدیق‌لاری و سؤزلریندن قاچدیق‌لارینی 19-جو عصرده ده گؤرموش و یاشامیشیق.
آتوم موقاویله‌سی‌نین ایچینی بوشال‌دان ایران دئییل، آوروپا‌دیر.
امریکانین چیخیش‌لارینی کنارا بوراخین، وعدلرینیزین بیر دنه‌سی بئله اولسا، یئرینه یئتیرین".
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
