عراق-ین باش ناظیری امریکا سفیری ایله گؤروشوب
عراق-ین باش ناظیری عادل عبدالمهدی امریکانین باغداد سفیری ماتیو تولره اؤلکه‌دکی خاریجی قوه‌لرین چیخاریلماسی باره‌دکی قرارینی چاتدیریب.
عراق-ین باش ناظیری عادل عبدالمهدی امریکانین باغداد سفیری ماتیو تولره اؤلکه‌دکی خاریجی قوه‌لرین چیخاریلماسی باره‌دکی قرارینی چاتدیریب.
عراق حکومتی‌نین یازی‌لی بیاناتینا گؤره، باش ناظیر عبدالمهدی سفیر تولری باغداد-داکی اوفی‌سینده قبول ائدیب. گؤروشده گوندم ده کی مسئله‌لر و عراق حکومتی‌نین موضعینه دایر موضوع لار موذاکیره اولونوب.
باش ناظیر عبدالمهدی عراق مجلیسی‌نین قرارینا اویغون اولا‌راق خاریجی قوه‌لرین اؤلکه‌دن چیخماسی و امریکا ایله علاقه‌لرین گوجلو تمله اساسلانماسی اوچون بیرگه ایشلمیین واجیب‌لیگینی دیله گتیریب.
موجود وضعیتین جدی‌لیگی و احتیمال اولونان نتیجه‌لرینه ایشاره ائدن عبدالمهدی آچیق بیر محاربه‌یه اوز توتولماسینا مانع اولماق اوچون اؤلکه‌سی‌نین جدی جهد گؤستردیگینی وورغولاییب.
عراق-ین باش ناظیری اؤلکه‌سی‌نین موناسیبت‌لری‌نین؛ امکداش‌لیغی، قارشی‌لیق‌لی حؤرمت و تهلوکه‌سیزلیک، ثابت‌لیک و میللی اگمنلیگین قورونماسی اساسینا آرخالاندیغینی قئید ائدیب.
عراق مجلیسی ژانویه‌نین 5-ده امریکا قوه‌لری‌نین عراق-دان چیخاریلماسینا قرار وئردی. مجلیس قراری ایجرا ائتمک عهده لیگینی حکومته تاپشیردی.
امریکا پرزیدنتی دونالد ترامپ ایسه، عراق پارلامئنتی‌نین امریکا عسگرلری‌نین اؤلکه‌نی ترک ائتمه‌سینی طلب ائتمه‌سی قرارینا رئاکسیا گؤستره‌رک، "اگر بیزی اؤلکه‌دن چیخارتماق ایستییرلرسه و بونو دوست شکیلده یئرینه یئتیرمه‌سه‌لر، اول‌لر هئچ گؤرمه‌دیک‌لری آغیر تحریم لری تطبیق ائدجییک. ایرانا تطبیق ائدیلن تحریم لری یونگول قالا‌جاق" دئمیشدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
