اوشاق اؤلوملری آرتدی

افغانیستاندا بو ایلین ۹ آیین‌دا اؤلن یا دا شیکست قالان اوشاقلارین ساییسی گئچه‌ن ایلین عینی دؤورونه گؤره یوزده ۱۱ آرتدی.

 ایللردیر ایچ ساواش و قوراقلیغین جایناغیندا‌کی افغانیستان، اوشاقلار اوچون دونیانین ان تهلوکه‌لی اؤلکه‌لرین‌دن بیری اولماغا داوام ائدیر.  

بیرلشمیش میللتلر اوشاقلارا کؤمک فوندونون (یونیسف) راپوروندا، افغانیستاندا ۲۰۱۹ون ۹ آیین‌دا شدت سببیله هر گون اورتالاما ۹ اوشاغین حیاتینی ایتیردیگی یا دا شیکست قالدیغی ایفاده ائدیلدی. 

راپور‌دا، اوشاق اؤلومو و یارالانمالارینین ان چوخ کابل، ننگرهار، پکتیا، هلمند و قندهار ویلایتلرین‌ده گؤرولدویو وورغولاندی.

راپوردا، افغانیستاندا ۲ میلیون اوشاغین یئترسیز و ساغلیق‌سیز بسله‌نمه سببیله مختلیف راحاتسیز‌لیقلارا توتولدوغو، اؤلکه‌ده‌کی شدت حادثه‌لرینین تأثیر ائتدیگی چوخ ساییدا اوشاغین پسیکولوژیک خسته‌لیکلرله بوغوشدوغو ایفاده ائدیلدی.