امریکا سوریه-ده نفت ساحه‌لرینه علاوه قوه گؤندرمکده داوام ائدیر

امریکا سوریه-ده ترور تشکیلاتی ی.پ.گ/پ.کا.کا-نین ایشغالین‌داکی نفت ساحه‌لرینده اولان حربی بازا و منطقه‌لرینه علاوه قوه گؤندردی.

امریکا اردوسو حاصکه و دیرالزور ویلایت‌لرینده نفت ساحه‌لری‌نین اولدوغو بازا و حربی منطقه‌لرینه عراق اوزریندن حربی و لجستیک علاوه قوه گؤندرمکده داوام ائدیر.

حاصکه-ده کی یئرلی قایناق‌لاردان الده ائدیلن معلوماتا گؤره، عراق-دا یئرلشن امریکا عنصورلاری دسامبرین 4-ده گئجه راده‌لرینده سیمالکا سرحد-کئچید منطقه‌سی اوزریندن حاصکه-نین شددادی بؤلگه‌سیندکی جیبسه نفت ساحه‌سینه 50 بؤیوک یوک ماشینی ایله حربی کونووی گؤندریب.

امریکا اردوسو دسامبرین 3-ده ده ولید سرحد-کئچید منطقه‌سیندن پرسنل داشییان 9 زیره‌لی ماشین و 50 عسگردن عبارت علاوه گوجونو دیرالزور-ون عمر نفت ساحه‌سینه گؤندرمیشدی.

سوریه-ده نفت ساحه‌لرینده حربی موجودلوغونو گوجلندیرمگی مقصد گؤتورن امریکا اردوسو ترور تشکیلاتی ی.پ.گ/پ.کا.کا-نین ایشغالین‌داکی بو بؤلگه‌لرده کئشیک خیدمتینی ده داوام ائتدیریر.

امریکا قوه‌لری سوریه-ده حاصکه، رقه و دیرالزور ویلایت‌لرینده ی.پ.گ/پ.کا.کا ایشغالین‌داکی بؤلگه‌لرده جمعی 11 بازا و حربی منطقه‌ده خیدمت گؤستریر.