نجفدکی ایران باشکونسولوسلوغو بیناسی اودلاندی
حادیثهلرین بویومهسی سببی ایله نجف اوپراسیونلار قوموتانلیغیندان ائدیلن یازیلی آچیقلامادا، توم شهرده کوچهیه چیخما یاساغی اعلان ائدیلدیغی بیلدیریلدی
عراقین گونئیینده یئر آلان نجف شهریندکی حکومت قارشیدی گؤستریلر سیراسیندا ایران باشکونسولوسلوغو بیناسی اودلاندی.
حادیثهلرین بویومهسی سببی ایله نجف اوپراسیونلار قوموتانلیغیندان ائدیلن یازیلی آچیقلامادا، توم شهرده کوچهیه چیخما یاساغی اعلان ائدیلدیغی بیلدیریلدی.
یاساغین نه قدر سورهجگینه دایر بیلگی وئریلمدی.
اؤته یاندان باشکند بغداد ایله بیرلیکده گونئیدکی مثنی، قادسیه و ذیقار ویلایتلرینده ده گؤستریچیلرله گووئنلیک گوچلری آراسیندا عربده یاشاندیغی و اونلارجا گؤستریجینین یارالاندیغی بیلدیریلدی.
قادسیهده بوگون رسمی تعطیل اعلان ائدیلدی. نجفدکی گؤستریجیلر داها اؤنجه ده ایران باشکونسولوسلوغو بیناسینی آتشه وئرمیشدی.
عراقدا ایشسیزلیک، روشوت و دولت خیدمتی یئترسیزلیگی اعتراض ائتمک مقصدیله 1 اوکتوبردا باشلایان گؤستریلرده بو آنا قدر 300دن چوخ اینسان اؤلدو، 15 میندن چوخ اینسان یارالانیب.
باشکند بغداد باشدا اولماقلا اورتا و جنوب بؤلگهلردکی شهرلرده داوام ائدن گؤستریلر زامانی ایرانین اؤلکهدکی نفوذونا ایستیقامتلی اعتراضلار ده دیله گتیریلیر.
حکومتین آچیقلادیغی اصلاحات پاکتلریله راضی اولمایان گؤستریچیلر، امنیت گوجلرینه اعتراضلاردا شیدت ایستیفاده ائدیلمهسی تعلیماتی وئرمکله گوناهلاندیردیقلاری باش ناظیر عادل عبدالمهدی و سوی-ایستیفاده ادعالاری سببیله حکومتین ایستعفاسینی ایستییر.