روحانی: اینقیلاب‌دان بو یانا ان آغیر گون‌لری یاشاییریق

ایران پرزیدنتی حسن روحانی، اؤلکه‌نین 1979داکی اینقیلاب‌دان بو یانا ان آغیر گون‌لری یاشادیغینی ایفاده ائتدی.

ایرانین جنوبون‌داکی کرمان ایالتی مسئولیتلریله بیر آرایا گلن روحانی، بورادا ائتدیگی دانیشمادا اؤلکه‌نین نفت ساتیشی و گلیریله علاقه‌دار آچیقلاما ائتدی.

ایرانین نورمال شرط‌لره صاحب اولمادیغینی و چوخ آغیر بیر زامان‌دان کئچدیک‌لرینی ایفاده ائدن روحانی، اینقیلاب‌دان بو یانا ان آغیر گون‌لری و آیلاری یاشاییریق. ایندییه قدر نفت ساتیشیندا و بیر نفت تانکری‌نین حرکتینده بو قدر پروبلم یاشامامیشایم. دئیه دانیشدی.

ایرانآ 2011-2012-جی ایللرده تحریم اویغولانینجا نفت ساتیشی‌نین 1 میلیونا دوشدوگونو آنجاق نوکلئر آنلاشما‌دان سونرا 2 میلیون 800 مین بوشکایا چیخدیغینی خاطیرلا‌دان روحانی، ایقتیصاد‌دان آنلامایان‌لار، نفتی ساتماسا دا اهمیت‌لی دئییل، قاپی‌سینا کیلید ووراریق سونرا ساتاریق یئنه، معدنچیلیک و اکینچی‌لیک فعالیت‌لرینی ده دایان‌دیرابیلیریک سونرا ائدریک دئیه‌بیلر آنجاق قاپی‌لاری باغلاماق دئییل آچماق هونردیر.

قویولاری یئنی‌دن آکتیو حالا گتیرمک اوچون نوکلئر آنلاشما‌دان سونرا 800 میلیون دو‌لار صرف ائدیب. دئیه بیلدیرمیش‌دیر. ایرانین یالنیز ایدخال اوچون ایلده تخمینن 60 میلیارد دو‌لار لازیم اولدوغونو کؤچورن روحانی،

 وئرگی‌لرین اؤلکه ایداره‌سی اوچون احتیاج دویولان پولون یالنیز یوزده 30ونو قارشیلادیغینی و نفتی ساتاماما‌لاری وضعیتینده گئرییه قالان یوزده 70ینین تامینی اوچون قایناق اولمادیغینی قئید ائتدی.